Qazaqstan mektepterinde ulttyq ıdeologııa qaı deńgeıde júrip jatqanyn bilýdiń bir joly osy

3428
Adyrna.kz Telegram
BILIM MINISTRLIGI OSYNDAI ZERTTEÝ ÓTKIZSE...
Reseıde óte qyzyq zertteý júrgizildi. Mektep oqýshylaryna "siz úshin kim batyr" suraǵy qoıylǵan. Sonymen jaýaptar kelesideı:
1. Oqýshylardyń 26,2% ata-anam, dosym, týysym dep jaýap beripti.
2. Oqýshylardyń 10,1% oqýshy Temir Adam, Narýto, Órmekshi Adam depti.
3. Oqýshylardyń 5,4% Keńes-German soǵysynyń ardagerleri men áskerıler dep til qatypty.
4. Jaýap berýshilerdiń 3% Iýrıı Gagarındi batyr sanaıdy eken.
5. 2,6% oqýshy Pýtındi batyrǵa balapty.
6. 2,4 % dárigerlerdi batyr sanaıdy.
7. 2,1 % tótenshe jaǵdaılar qyzmetkerleri men polıeılerdi qaharman dep oılaıdy.
8. Oqýshylardyń 2% sportshylar men shetel ártisterin batyr dep oılap júr eken.
9. 1% jaýap berýshiler Jýkov, Lenın, Kýtýzovty batyr sanaıdy.
10. 0,7% oqýshy Zoıa Kosmodemıanskaıany naǵyz batyr deıdi.
Oqýshylardyń 23,4% suraqqa jaýap berýden bas tartqan.
Bul durys zertteý, bizde osyndaı zertteý kerek dep sanaımyn. Oqýshylar kimdi batyr sanaıdy, kim olar úshin úlgi? Olardyń jaýabyna qarap-aq biz mekteptegi ulttyq qundylyq deńgeıin, ıdeologııany naqty bile alamyz. Árıne zertteý naqty ári shynaıy júrse.
Oqýshylar ata-anasyn, týystaryn, dostaryn batyr sanasa, keshegi el qorǵaǵan batyrlardy, aqyndardy, Alash arystaryn, Kenesary men Keıkini, Álıhan men Ahmetti, Maǵjan men Mirjaqypty aıtyp jatsa jaqsy. Al eger olardy emes Stalın, Lenın, Jýkov, Petrlardy aıtsa, onda óte úlken ıdeologııalyq jumys isteý kerek bolady. Ashat Aımaǵambetov myrzaǵa kishigirim usynys qoı. Tegin jasaýǵa bolatyn dúnıe negizi, shyǵynsyz. Attas, bir ótinishti jerge tastamashy!
Ashat QASENǴALI,
"Adyrna" ulttyq portaly 
Pikirler