ەگەر مەملەكەت ءادىل باسەكەلەستىككە جاعداي جاساماسا، وندا حاوس پايدا بولادى - تالعات نارىكباەۆ

2977
Adyrna.kz Telegram

ەگەر مەملەكەت ءادىل باسەكەلەستىككە جاعداي جاساماسا، وندا حاوس پايدا بولادى. بۇل تۋرالى Kازگيۋ ۋنيۆەرسيتەتىنىڭ باسقارما توراعاسى تالعات نارىكباەۆ قازاقستاندىق جوعارى وقۋ ورىندارى رەكتورلارىنىڭ كەزدەسۋىندە مالىمدەدى.

«ساپا مەن اكادەميالىق ادالدىق ءۇشىن كۇرەستى باستاعان كەز كەلگەن جوعارى وقۋ ورنى ادال باسەكەلەستىك قانا ءتيىمدى بولاتىنىن تۇسىنەدى. ادال باسەكەلەستىك – ول بازالىق ەرەجەلەردى ساقتاۋ جانە ساپا ستاندارتتارى مەن ەتيكالىق نورمالاردى بۇزباۋ دەگەندى بىلدىرەدى. ەگەر مەملەكەت ءادىل باسەكەلەستىككە جاعداي جاساماسا، وندا حاوس پايدا بولادى»، - دەدى ت. نارىكباەۆ.

ونىڭ ايتۋىنشا، جوعارى بىلىمدە كىرىس تەك جوعارى ءبىلىمنىڭ وزىنە جۇمسالۋى ءتيىس.

«ەلىمىزدە جوعارى وقۋ ورىندارىن تابىس تابۋ ماقساتىندا اشقان كەزەڭ بولدى. بۇگىندە سول جوعارى وقۋ ورىندارى قوعامدا جوعارى ءبىلىم سالاسى تۋرالى تەرىس پىكىردى قالىپتاستىرىپ جاتىر. سوندىقتان بۇل جاعدايدى شۇعىل تۇردە تۇزەتۋ كەرەك، جوعارى بىلىمدە كىرىس تەك جوعارى ءبىلىمنىڭ وزىنە جۇمسالۋى ءتيىس. ياعني وقۋ ورنىندا قولايلى جاعداي جاساۋ، وزىق تسيفرلىق شەشىمدەردى ەنگىزۋ، ەڭبەكاقىنى كوتەرۋ جانە باسقا دا نەگىزگى ماسەلەلەرگە باعىتتالعانى دۇرىس»، - دەدى.

اتاپ وتەيىك، شارا قر ءبىلىم جانە عىلىم مينيسترلىگىنىڭ فەيسبۋكتەگى رەسمي پاراقشاسىندا تىكەلەي ەفيردە كورسەتىلدى.

«ادىرنا» ۇلتتىق پورتالى

پىكىرلەر