قازاقستاندىق زاڭ عىلىمىنىڭ نەگىزىن قالاۋشىلاردىڭ ءبىرى سالىق زيمانۇلى زيمانوۆتىڭ 100 جىلدىق مەرەيتويىنا وراي ءومىر جولىنا، قىزمەتىنە، عىلىمي شىعارماشىلىعىنا ارنالعان https://zimanov.kazguu.kz ونلاين-كورمە ىسكە قوسىلدى، دەپ حابارلايدى «ادىرنا» ءتىلشىسى.
بۇل تۋرالى م.س. نارىكباەۆ اتىنداعى كازگيۋ ۋنيۆەرسيتەءتىنىڭ توراعاسى تالعات نارىكباەۆ «سالىق زيمانۇلى زيمانوۆتىڭ ەڭبەكتەرى – قازىرگى ءداۋىردىڭ ساياسي جانە قۇقىقتىق ويىنىڭ قاينار كوزى» اتتى حالىقارالىق ونلاين-كونفەرەنتسيا بارىسىندا ايتتى.
بۇگىن قازاقستان حالقى قازاقتىڭ بيلەر سوتىنىڭ تەڭدەسى جوق ينستيتۋت ەكەنىن دالەلدەگەن عالىم، قر ۇعا اكادەميگى، زاڭ عىلىمدارىنىڭ دوكتورى، پروفەسسور سالىق زيمانوۆتىڭ 100 جىلدىق مەرەيتويىن اتاپ ءوتىپ جاتىر.
«ۇلى وتان سوعىسى جىلدارىندا قاتارداعى سولداتتان مينومەت پولكىنىڭ كومانديرى دارەجەسىنە دەيىن كوتەرىلىپ, 1948 جىلى بۇكىلوداقتىق زاڭ ينستيتۋتىن بىتىرگەننەن كەيىنگى عۇمىرىن زاڭ عىلىمىنا ءجانە قۇقىقتىق ءبىلىم بەرۋگە ارناعان سالىق زيمانۇلىنىڭمەرەيتويى – ءبىز ءۇشىن ماڭىزدى شارا», – دەپ اتاپ ءوتتى تالعات نارىكباەۆ.
كونفەرەنتسياعا قازاقستان رەسپۋبليكاسىنىڭ ەكس-پرەمەر-ءمينيسترى يمانعالي تاسماعامبەتوۆ، ازەربايجان رەسپۋبليكاسىنىڭ قر-عى توتەنشە جانە وكىلەتتى ەلشىسىءنىڭ ورىنباسارى ەيۆاز سامەد وگلى مۋساەۆ, قر تۇڭعىش پرەزيدەنتى – ەلباسى قورىنىڭ اتقارۋشى ديرەكتورىنىڭ ورىنباسارىيگور روگوۆ، قازاقستان رەسپۋبليكاسى جوعارعى سوتىنىڭ سۋدياسى ساكەن ابدوللا، قر كونستيتۋتسيالىق كەڭەسىنىڭ مۇشەسى ۋنزيلا شاپاق, قازاقستان رەسپۋبليكاسى سەناتىنىڭ دەپۋتاتى، ز.ع.د.، پروفەسسور قاناتبەك سافينوۆ، قۇقىق دوكتورى، ىستامبۇل ۋنيۆەرسيتەتىءنىڭ پروفەسسورىفەحتي گەديلحي, قۇقىق دوكتورى، ىستامبۇل كەنت ۋنيۆەرسيتەتىءنىڭ پروفەسسورى حازرەت چوماك, م.س. نارىكباەۆ اتىنداعى كازگيۋ ۋنيۆەرسيتەتىنىڭ باسقارما توراعاسى تالعات نارىكباەۆ قاتىستى. سونداي-اق شارا قاتىسۋشىلارىنىڭ قاتارىندا قر مەملەكەتتىك ورگاندارىنىڭ باسشىلارى، جاقىن جانە الىس شەتەلدەردىڭ عىلىمي زاڭ قاۋىمداستىعىنىڭ وكىلدەرى، س.ز. زيمانوۆتىڭ وقۋشىلارى، قازاقستاندىق جوعارى وقۋ ورىندارىنىڭ عالىم-زاڭگەرلەرى دە بولدى.
ونلاين-جيىنعا قاتىسۋشىلار سالىق زيمانۇلىنىڭ تاۋەلسىز قازاقستاننىڭ قۇقىقتىق جۇيەسىنىڭ قالىپتاسۋىنا سىڭىرگەن ەڭبەگىن اتاپ ءوتتى. كازگيۋ ۋنيۆەرسيتەتىنىڭ ۇيىمداستىرۋىمەن وتكەن شارانىڭ نەگىزگى ماقساتى – قازاقستاندىق ويشىلدىڭ يدەيالىق مۇراسىن جانە ونىڭ دامۋ پەرسپەكتيۆالارىن تالقىلاۋ.
«ادىرنا» ۇلتتىق پورتالى
