تۇركيانىڭ TGRT Haber تەلەارناسىنان تىكەلەي ەفيردە سويلەگەن ەردوعاننىڭ سوزدەرىنە امەريكالىق ساياسي بولجاۋشى Stratfor كومپانياسى 2050 جىلعا دەيىنگى ەرودعاننىڭ ىقپالى مەن ساياسي امبيتسياسى جونىندە بولجام جاساپتى. امەريكالىق ساياسي ەكسپەرتتەر الداعى 30 جىلدا ەردوعاننىڭ، جانە ەردوعاننان كەيىنگى تۇركيانىڭ حالىقارالىق ساياسي ويىندا ىسكە اسىراتىن بىرنەشە باعىتىن ايتىپتى.
ەكسپەرتتەر الداعى 30 جىلدا تۇركيا رەسەيدىڭ وڭتۇستىك وڭىرلەرىن، كۋباندى، قالماقستاندى، قىرىمدى، استراحاندى، سولتۇستىك كاۆكازدى ءوزىنىڭ ىقپالىنا الادى دەپتى. مۇنىمەن قويماي، تۇركيانىڭ ساياسي ىقپالىنا قازاقستاندى، وزبەكستاندى، تۇركىمەنستاندى، قىزعىزستاندى، ازەربايجاندى، گرەتسيا مەن دونباسستى، پارسى شىعاناعىنىڭ مۇنايلى ولكەلەرىن، ەگيپەت پەن ليۆيانى كىرگىزەدى دەلىنگەن.
اقش-تىق ساياسي ەكسپەرتتەردىڭ بۇلايشا بولجام جاساۋىنا 2020 جىلى رەدجەپ تايىپ ەردوعاننىڭ وزگەشە مادىمدەمەسى سەبەپ بولعان. تۇركيا كوپ ۋاقىت وتپەي-اق ءوزىنىڭ گەوساياسي ويىنشى رەتىندە الەمدىك ساياساتتا رەتتەۋشى فۋنتسكيانى ورىنداۋعا كىرىسۋى اقش پەن رەسەيدى ويلاندىرىپ وتىر. كوپ ۇزاماي تۇركيانىڭ مىسىن باسۋ ءۇشىن اقش ءوزىنىڭ قۋاتتى بومبالاۋشى دروندارىن الەمگە تانىستىردى.
اقش-تىڭ ەكسپەرتتەرىنىڭ بۇل جورامالى رەسەيدىڭ گوسدۋماسىندا قىزۋ تالقىلانىپ، تەرىسقاقپاي پىكىرلەر بۇرقىرادى. اسىرەسە، تۇركيانىڭ قازاقستانعا ساياسي ىقپالى ورىس ساياساتكەرلەرىن قاتتى ويلاندىرىپ وتىر. باتىستىڭ دا، رەسەيلىڭ دە پانتۇركيستتىك يدەولوگياعا كوزقاراستارى تەرىس ءارى تۇران اسكەري بىرلەستىگىنىڭ ورناۋىنا قارسى. قازىرگى تۇركيانىڭ گەوساياي ويىنعا ارالاسۋى الەمنىڭ ءىرى ىقپالدى دەرجاۆالارىنا جاقپاي وتىر.
سوڭعى ۋاقىتتا قازاقستاندى ءوزىنىڭ ساياسي ىقپالىنا كوندىرۋگە تۇركيا، اقش، رەسەي ۇشەۋى ءوزارا قاقتىعىسقا ءتۇسىپ كەلەدى. مەنىڭشە الداعى ۋاقىتتاردا قازاقستاننىڭ بولاشاعى، سىرتقى ساياساتتاعى باعىتى دا دۇرىس بولادى دەپ ويلايمىن.
,
بەكبولات قارجان،
«ادىرنا» ۇلتتىق پورتالى
