مولدوۆانىڭ جاڭا پرەزيدەنتى مايا ساندۋ پرەزيدەنت رەتىندە العاشقى ءۆيزيتتى ەۋرووداققا جاساعان. بۇعان كرەمل شالقاسىنان ءتۇسىپ جاتىر. بۇرىنعى پرەزيدەنتتەر ەڭ الدىمەن العاشقى ۆيزيتتەرىن ماسكەۋگە جاساپ كەلگەن ەكەن. بۇدان بىلاي مولدوۆا ماسكەۋدىڭ ايتقانىمەن جۇرمەيتىندىگىن كورسەتىپتى ءسويتىپ. اسىرەسە دودوننىڭ كەزىندە ماسكەۋ مولدوۆانى وزىمىزگە تۇپكىلىكتى قارادى دەپ ەسەپتەپ كەلگەن كورىنەدى.
دودوننىڭ تاعى ءبىر جاساپ كەتكەنى - مولدوۆانى ەاەو-عا مۇشە بولماسا دا سوعان جاقىنداتىپ كەتىپتى. دودون ەندى ءبىر مەرزىم سايلانعاندا ەاەو-عا كىرگىزىپ كەتۋگە ءسال قالىپتى. مايا ساندۋ وسى جوبادان باس تارتىپ وتىر. ونىڭ ايتاتىنى - ءبارىبىر كرەمل مولدوۆاعا دەربەس ەكونوميكالىق ساياسات جۇرگىزۋگە مۇمكىندىك بەرمەيدى، سوندىقتان ونداي وداقتان بىردەن باس تارتقان دۇرىس. روسكومنادزور قادام باستىرماي، ۇناماسا تاۋارلارىن بىرجاقتى كەرى قايتارىپ وتىرادى. جاقىندا دا سولاي جاسادى، ال ەاەو-نىڭ باسقا ەلدەرىمەن ءبىز ءالى بايلانىسقا تۇسە قويعان جوقپىز - دەپتى جاڭا پرەزيدەنت.
قانداي اقىلدى ايەل دەسەڭىزشى. ەاەو-نىڭ ەكونوميكالىق ەمەس، تازا ساياسي وداق ەكەنىن ءتۇسىنىپ بىردەن ات-تونىن الا قاشىپ وتىر. ال بىزدە سەكسەنگە كەلىپ سەلكىلدەپ قالعان بىرەۋلەر ءبىزدى قوراعا تىقتى دا كەتتى. ءالى كۇنگە شەيىن وسى قاتەلىگىن مويىنداماق تۇگىلى، دۇرىس جاسادىق دەپ بەت باقتىرمايدى. ونى جانە كەرەمەت دانالىق دەپ اينالاسى وتىرىك ماقتاۋعا ءماجبۇر. سورلىلىق دەگەن وسى.
جاڭا پرەزيدەنت ۋكراينامەن دوستىقتى جاڭا ساتىعا كوتەرۋگە ۇمتىلىپ وتىر. شەكارالاس ەكى ەلگە ترانسشەكارالىق ساۋداعا مول مۇمكىندىكتەر بار. باسقا دا ارتىقشىلىقتارى جەتەدى. مولدوۆا سونداي-اق ەۋرووداقپەن جەتىميلدىك جىلدامدىقپەن جاقىنداسىپ جاتىر. ءتۇبى ەو-نىڭ ءبىر مۇشەسى بولاتىندىعى انىق.
ال ماسكەۋ... ىشتەرى يت تالاعانداي، قىزعانىشتان جارىلىپ جاتىر، الايدا ۇسىنا قويار ەش تارتىمدىلىعى جوق - نە جاڭا تەحنولوگياسى، نە عىلمي جەتىستىگى، نە اقشاسى، ءتىپتى جاعدايى جوق. بار بولعانى - مولدوۆاعا قاتىستى ساياساتتا پروۆالعا جول بەردىڭ دەپ، سول باعىتقا جاۋاپتى گەنەرال چەرنوۆ دەگەندى جۇمىستان الىپتى. وزىمىزگە تانىس كارتينا ەمەس پە؟ بىزدە دە سول جاعداي عوي.
ءسوز سوڭىندا، ىسكە ءسات، مايا ساندۋ حانىم دەيمىز! الدى-ارتىڭا قاراما، زىت، كورمەگەنىڭ رەسەي بولسىن! ءتۇبى ءبىز دە قاشىپ قۇتىلارمىز بۇل يتتەردەن، سوندا كەزدەسۋگە جازسىن!
