قازاقتىڭ باسىن بىرىكتىرىپ، رۋلىق، جەرلەستىك دەڭگەيىنەن كوتەرىپ ءبىرتۇتاس ەتىپ جىبەرەتىن جاقسىلاردىڭ ءولىمى عانا ەكەن عوي. ال قالعان كەزدە كازگۋ-ءدىڭ ساتىلعان جەرى سەرىك ابباس-شاحقا
عانا كەرەك، مۇحتار جاكىشەۆتى قازاقشا بىلمەدى دەپ جەردەن الىپ جەرگە سالامىز. جالپى، جاقسىلاردىڭ ءتىرى كەزىندە يتشە تالايمىز، مىسىقتىلەۋمىز. ناعىز دارىنداردى ەلەپ-ەسكەرمەيمىز. ىشتارلىق باسىم. ءبىر جاعىنان، شاۋىلدەپ-مياۋلايتىنىمىز دا، ساتىلعان جەرگە قىڭق ەتپەيتىنىمىز دە تۇسىنىكتى، 70 جىل كەڭەستىك كەزەڭ مەن 30 جىل تاۋەلسىز ەلدىڭ قازاقتارى كىندىگىن ىزدەمەدى. ءبىر قاراساڭ تىرناقتاي تەرى عوي، بىراق كىندىكتىڭ قۇدىرەتى - جەرگە كومىلگەنىندە بولاتىن.
كىندىگى جەردەن تۇتاس ءبىر عاسىر بويى اجىراپ قالعان قازاققا جەرى ساتىلماق تۇر عوي ادامى اتىلىپ جاتسا دا ءبارىبىر، جەرگە كومىلمەگەن سول كىندىكتى يت پەن مىسىق جەگەن سوڭ دا يتشە ىرىلداسامىز، مىسىقشا مياۋلايمىز-اي كەلىپ! قازاق وزىنە ورالۋى كەرەك، الدىمەن سالەمىڭدى تۇزە دەگەندى ۇعاتىن، ۇققان قازاقتار باردا ءبارى ورنىنا كەلەر، تۇزەلەر. قازاقتىڭ باسى بىرىگۋى ءۇشىن جاقسىلار ولە بەرمەسىنشى تەك. ءبىر ۋىس قازاق ولە بەرمەسىنشى!
