Qazaqtyń basyn biriktirip, rýlyq, jerlestik deńgeıinen kóterip birtutas etip jiberetin jaqsylardyń ólimi ǵana eken ǵoı. Al qalǵan kezde KazGÝ-diń satylǵan jeri Serik Abbas-shahqa
ǵana kerek, Muhtar Jákishevti qazaqsha bilmedi dep jerden alyp jerge salamyz. Jalpy, jaqsylardyń tiri kezinde ıtshe talaımyz, mysyqtileýmiz. Naǵyz daryndardy elep-eskermeımiz. Ishtarlyq basym. Bir jaǵynan, sháýildep-mııaýlaıtynymyz da, satylǵan jerge qyńq etpeıtinimiz de túsinikti, 70 jyl keńestik kezeń men 30 jyl táýelsiz eldiń qazaqtary kindigin izdemedi. Bir qarasań tyrnaqtaı teri ǵoı, biraq kindiktiń qudireti - jerge kómilgeninde bolatyn.
Kindigi jerden tutas bir ǵasyr boıy ajyrap qalǵan qazaqqa jeri satylmaq tur ǵoı adamy atylyp jatsa da báribir, jerge kómilmegen sol kindikti ıt pen mysyq jegen soń da ıtshe yryldasamyz, mysyqsha mııaýlaımyz-aı kelip! Qazaq ózine oralýy kerek, aldymen sálemińdi túze degendi uǵatyn, uqqan qazaqtar barda bári ornyna keler, túzeler. Qazaqtyń basy birigýi úshin jaqsylar óle bermesinshi tek. Bir ýys qazaq óle bermesinshi!
