Qazaq kındıgın qaşan joǧaltty?

Qazaqtyŋ basyn bırıktırıp, rulyq, jerlestık deŋgeiınen köterıp bırtūtas etıp jıberetın jaqsylardyŋ ölımı ǧana eken ǧoi. Al qalǧan kezde KazGU-dıŋ satylǧan jerı Serık Abbas-şahqa ǧana kerek, Mūhtar Jäkışevtı qazaqşa bılmedı dep jerden alyp jerge salamyz. Jalpy, jaqsylardyŋ tırı kezınde itşe talaimyz, mysyqtıleumız. Naǧyz daryndardy elep-eskermeimız. Iştarlyq basym. Bır jaǧynan, şäuıldep-miiaulaitynymyz da, satylǧan jerge qyŋq etpeitınımız de tüsınıktı, 70 jyl keŋestık kezeŋ men 30 jyl täuelsız eldıŋ qazaqtary kındıgın ızdemedı. Bır qarasaŋ tyrnaqtai terı ǧoi, bıraq kındıktıŋ qūdıretı - jerge kömılgenınde bolatyn. Kındıgı jerden tūtas bır ǧasyr boiy ajyrap qalǧan qazaqqa jerı satylmaq tūr ǧoi adamy atylyp jatsa da bärıbır, jerge kömılmegen sol kındıktı it pen mysyq jegen soŋ da itşe yryldasamyz, mysyqşa miiaulaimyz-ai kelıp! Qazaq özıne oraluy kerek, aldymen sälemıŋdı tüze degendı ūǧatyn, ūqqan qazaqtar barda bärı ornyna keler, tüzeler. Qazaqtyŋ basy bırıguı üşın jaqsylar öle bermesınşı tek. Bır uys qazaq öle bermesınşı!