بۇل شەشىم شەكي قالاسىندا وتكەن تۇركسوي حالىقارالىق ۇيىمى تۇراقتى كەڭەسىنىڭ XXXIV وتىرىسىندا ءبىراۋىزدان قابىلدانعان.
القالى جيىنعا تۇركسوي-عا مۇشە ەلدەردىڭ مادەنيەت مينيسترلەرى، تۇركى كەڭەسى، تۇركىتىلدەس مەملەكەتتەر پارلامەنتتىك اسسامبلەياسى مەن حالىقارالىق تۇركى اكادەمياسىنىڭ وكىلدەرى قاتىستى. باسقوسۋدا ۇيىمنىڭ ءبىر جىلدا اتقارعان ءىس-شارالارى سارالانىپ، الداعى جۇمىس جوسپارى بەكىتىلدى.
وسىلايشا تۇركىستان ەلوردامىز استانا مەن تۇركيانىڭ ەسكيشەحير، تۇركمەنستاننىڭ مارىسىمەن ازەربايجاننىڭ شەكي قالاسىنان كەيىن، مۇنداي مارتەبەگە لايىق دەپ تانىلعان 5-ءشى شاھار اتاندى.
كەمال چەليك، تۇركيا ۇلى ۇلتتىق ءماجىلىسىنىڭ ەكس-دەپۋتاتى:
- تۇركىستاندى بىلمەيتىن تۇرىك كەم دە كەم. ويتكەنى ءبىز قازاقستاندى اتاجۇرتىمىز، ال تۇركىستان قالاسىن بارلىق تۇركى حالىقتارىنىڭ مادەني جانە رۋحاني ورتالىعى رەتىندە ەرەكشە قاستەرلەيمىز. تاريحي شاھاردى تۇركسوي تۇركى الەمىنىڭ مادەني استاناسى دەپ جاريالادى. بۇل جاڭالىققا شىن جۇرەگىممەن قۋانعانىمدى جاسىرمايمىن. سەبەبى مۇنداي مارتەبەگە ول ابدەن لايىق. ەندى تۇركىستانعا ءجيى-ءجيى قىدىرىپ باراتىن بولامىز. بۇل ارينە، قالانىڭ تىنىس-تىرشىلىگى مەن تۋريستىك الەۋەتىنىڭ ارتۋىنا زور مۇمكىندىك اشپاق.
24.kz
