Bul sheshim Shekı qalasynda ótken TÚRKSOI halyqaralyq uıymy turaqty keńesiniń XXXIV otyrysynda biraýyzdan qabyldanǵan.
Alqaly jıynǵa TÚRKSOI-ǵa múshe elderdiń mádenıet mınıstrleri, Túrki keńesi, Túrkitildes memleketter Parlamenttik Assambleıasy men Halyqaralyq Túrki Akademııasynyń ókilderi qatysty. Basqosýda uıymnyń bir jylda atqarǵan is-sharalary saralanyp, aldaǵy jumys jospary bekitildi.
Osylaısha Túrkistan elordamyz Astana men Túrkııanyń Eskıshehır, Túrkmenstannyń Marysymen Ázerbaıjannyń Shekı qalasynan keıin, mundaı mártebege laıyq dep tanylǵan 5-shi shahar atandy.
Kemal Chelık, Túrkııa uly ulttyq májilisiniń eks-depýtaty:
- Túrkistandy bilmeıtin túrik kem de kem. Óıtkeni biz Qazaqstandy atajurtymyz, al Túrkistan qalasyn barlyq túrki halyqtarynyń mádenı jáne rýhanı ortalyǵy retinde erekshe qasterleımiz. Tarıhı shahardy TÚRKSOI túrki áleminiń mádenı astanasy dep jarııalady. Bul jańalyqqa shyn júregimmen qýanǵanymdy jasyrmaımyn. Sebebi mundaı mártebege ol ábden laıyq. Endi Túrkistanǵa jıi-jıi qydyryp baratyn bolamyz. Bul árıne, qalanyń tynys-tirshiligi men týrıstik áleýetiniń artýyna zor múmkindik ashpaq.
24.kz
