ءسۇيىنشى! ەندى وكتيابر اۋدانى ءاليحان بوكەيحان ەسىمىمەن اتالادى

4202
Adyrna.kz Telegram

قاراعاندى قالاسىنىڭ وكتيابر اۋدانى ءاليحان بوكەيحاننىڭ ەسىمىمەن اتالاتىن بولدى، دەپ حابارلايدى «ادىرنا» ءتىلشىسى.

قۋانىشتى جاڭالىقتى العاشقىلاردىڭ ءبىرى بولىپ قاراعاندى قالاسىنىڭ ماسليحات دەپۋتاتى، قاراعاندى وبلىسى «اق جول» پارتياسى بولىمشە توراعاسىنىڭ يدەولوگيا جونىندەگى ورىنباسارى بەيبىت قۇلماعامبەت Facebook جەلىسىندەگى رەسمي پاراقشاسىندا ءبولىستى.

«قالىڭ قازاق ەلى، ءسۇيىنشى! قازاقستان پرەزيدەنتى قاسىم-جومارت كەمەلۇلى توقاەۆ قاراعاندى قالاسىنىڭ وكتيابر اۋدانىنىڭ اتاۋىنىڭ اۋىستىرىلىپ، ءاليحان بوكەيحان ەسىمىنىڭ بەرىلۋىن قولداپتى.

قالا اۋدانى اتاۋىنىڭ وزگەرتىلۋى بەكىتىلگەن ارنايى پروتسەدۋراعا نەگىزدەلگەن. قوعامدىق تىڭداۋلاردىڭ ءوتۋى ، قالا ءماسليحاتى دەپۋتاتتارىنىڭ داۋىس بەرۋى جانە ونوماستيكالىق كوميسسيانىڭ ارنايى جۇمىستارىنىڭ جۇرگىزىلۋىن قاجەت ەتەتىن كۇردەلى جانە ۋاقىت تالاپ ەتەتىن ءىس ەكەنى بارلىعىمىزعا بەلگىلى. ءوز ۋاقىتىمەن وتەتىن جۇمىس، باستاما بولسا جاريالاندى، نەگىزگى باعىت بەلگىلەندى.

بۇگىن بۇل تاريحي ماڭىزى بار جاڭالىقتى وبلىس اكىمى جەڭىس ماحمۇدۇلى قاسىمبەك مىرزا " اق جول " پارتياسىنىڭ وبلىستىق فيليال باسشىسى ەرمەك ابيلدينمەن وتكىزگەن كەزدەسۋىندە حابارلاعان ەكەن»،-دەپ جازدى ول.

«ادىرنا» ۇلتتىق پورتالى

پىكىرلەر