قازاقستاننىڭ سىرتقى قارىزى قانشا؟

1076

ۇلتتىق بانكتىڭ تولەم بالانسى دەپارتامەنتىنىڭ ديرەكتورى ازات وسكەنباەۆ ەلىمىزدىڭ سىرتقى قارىزىنىڭ سالىستىرمالى كورسەتكىشتەرى تۋرالى ايتتى، دەپ حابارلايدى «ادىرنا» ءتىلشىسى.

«قازاقستاننىڭ سىرتقى قارىزى 2020 جىلدىڭ 1 قازانىنداعى جاعداي بويىنشا 160,9 ملرد اقش دوللارىن (نەمەسە ءىجو-گە شاققاندا 90,7%) قۇرادى. كورسەتىلگەن كولەم بيۋدجەتتىڭ نەمەسە حالىقتىڭ قاراجاتى ەسەبىنەن تولەنۋگە جاتپايدى، ويتكەنى سىرتقى بورىشتىڭ شامامەن 80%-ى مەملەكەت تە، قاراپايىم ازاماتتار دا جاۋاپ بەرمەيتىن جەكە ۇيىمداردىڭ مىندەتتەمەلەرىنە تيەسىلى»،-دەدى ول.

مەملەكەتتىك سىرتقى قارىز ەل بورىشىنىڭ 8,2%-ىن نەمەسە 13,2 ملرد اقش دوللارىن، ال كۆازيمەملەكەتتىك سەكتوردىڭ سىرتقى قارىزى – 12,5% نەمەسە 20,1 ملرد اقش دوللارىن قۇرايدى.  وسكەنباەۆتىڭ ايتۋىنشا، بۇل جالپى العاندا ءىجو-گە شاققاندا 18,8% جانە حالىقارالىق تاجىريبەگە سايكەس، قاۋىپسىز دەڭگەيگە جاتادى.

قازاقستاننىڭ تىكەلەي جانە شارتتى سىرتقى مىندەتتەمەلەرى سوڭعى ءۇش جىل ىشىندە كۆازيمەملەكەتتىك سەكتور ۇيىمدارىنىڭ سىرتقى بورىشىن وتەۋ ەسەبىنەن 6,2 ملرد اقش دوللارىنا نەمەسە 15,7%-عا ازايىپ، 2020 جىلدىڭ 1 قازانىندا 33,3 ملرد اقش دوللارىن قۇراعان.

«ادىرنا» ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket