Ulttyq banktiń Tólem balansy departamentiniń dırektory Azat Óskenbaev elimizdiń syrtqy qaryzynyń salystyrmaly kórsetkishteri týraly aıtty, dep habarlaıdy «Adyrna» tilshisi.
«Qazaqstannyń syrtqy qaryzy 2020 jyldyń 1 qazanyndaǵy jaǵdaı boıynsha 160,9 mlrd AQSh dollaryn (nemese IJÓ-ge shaqqanda 90,7%) qurady. Kórsetilgen kólem bıýdjettiń nemese halyqtyń qarajaty esebinen tólenýge jatpaıdy, óıtkeni syrtqy boryshtyń shamamen 80%-y memleket te, qarapaıym azamattar da jaýap bermeıtin jeke uıymdardyń mindettemelerine tıesili»,-dedi ol.
Memlekettik syrtqy qaryz el boryshynyń 8,2%-yn nemese 13,2 mlrd AQSh dollaryn, al kvazımemlekettik sektordyń syrtqy qaryzy – 12,5% nemese 20,1 mlrd AQSh dollaryn quraıdy. Óskenbaevtyń aıtýynsha, bul jalpy alǵanda IJÓ-ge shaqqanda 18,8% jáne halyqaralyq tájirıbege sáıkes, qaýipsiz deńgeıge jatady.
Qazaqstannyń tikeleı jáne shartty syrtqy mindettemeleri sońǵy úsh jyl ishinde kvazımemlekettik sektor uıymdarynyń syrtqy boryshyn óteý esebinen 6,2 mlrd AQSh dollaryna nemese 15,7%-ǵa azaıyp, 2020 jyldyń 1 qazanynda 33,3 mlrd AQSh dollaryn quraǵan.
«Adyrna» ulttyq portaly
