قازاقستاندىقتاردىڭ شەتەلدىك ەسەپشوتتارى الەمنىڭ 100-دەن استام ەلىندە ىزدەلەتىن بولادى، دەپ مالىمدەدى قارجى ءمينيسترى ەرۇلان جاماۋباەۆ ۇكىمەت وتىرىسىندا، دەپ حابارلايدى "ادىرنا" ۇلتتىق پورتالى.
"كاپيتالدى شەتەلگە ەكسپورتتاۋعا جانە ەكونوميكانى شەتتەتۋگە قارسى ءىس-قيمىل بويىنشا كەشەندى جۇمىستار جۇرگىزىلۋدە. ەىدۇ جانە ۇلتتىق بانكپەن ەلەكتروندىق اقپارات الماسۋ اياسىندا كوپجاقتى كونۆەنتسياعا قول قويىلدى. وسى جىلدان باستاپ ءبىز ەىدۇ-مەن 100-دەن استام يۋريسديكتسياداعى ازاماتتارىمىزدىڭ قارجىلىق ەسەپشوتتارى تۋرالى اقپارات الماسۋدى جوسپارلاپ وتىرمىز", - دەدى جاماۋباەۆ.
سونىمەن قاتار، ۇكىمەتتىڭ سوڭعى كەڭەيتىلگەن وتىرىسىندا مەملەكەت باسشىسىنىڭ سالىقتىق اكىمشىلەندىرۋدى تۇبەگەيلى وڭايلاتۋ بويىنشا ارنايى مىندەتتەر قويعانىن ەسكە سالدى.
ول ءۇشىن 2021 جىلدان باستاپ جەكە تۇلعالاردىڭ مۇلىكتەرى مەن جەرلەرىنە سالىناتىن سالىقتار بىرىكتىرىلىپ، ەكى سالىق تا بىرىڭعاي تولەممەن تولەنەتىنىن العا تارتتى. كوپقاباتتى ءۇي يەلەرىنە ارنالعان جەر سالىعى الىنىپ تاستالدى.
"سالىق تولەۋشىلەر ءۇشىن مۇلىك سالىعىن تولەۋگە ىڭعايلى بولۋ ءۇشىن «E-Salyq ازامات» ءموبيلدى قوسىمشاسى ىسكە قوسىلدى. قوسىمشا سىزگە مالىمەتتەردى تولتىرماي سالىق تولەۋگە، 2 مينۋت ارالىعىندا ونلاين رەجيمىندە تولىقتىرۋلار مەن اۆتوماتتى نەسيەلەر جاساۋعا، ارتىق تولەمدەردى باسقارۋعا جانە ت.ب. مۇمكىندىكتەرگە جول اشادى", - دەپ اياقتادى ءسوزىن قارجى ءمينيسترى ەرۇلان جاماۋباەۆ.
"ادىرنا" ۇلتتىق پورتالى
