Qazaqstandyqtardyń sheteldik esepshottary álemniń 100-den astam elinde izdeletin bolady, dep málimdedi Qarjy mınıstri Erulan Jamaýbaev úkimet otyrysynda, dep habarlaıdy "Adyrna" ulttyq portaly.
"Kapıtaldy shetelge eksporttaýǵa jáne ekonomıkany shettetýge qarsy is-qımyl boıynsha keshendi jumystar júrgizilýde. EYDU jáne Ulttyq bankpen elektrondyq aqparat almasý aıasynda kópjaqty Konvenııaǵa qol qoıyldy. Osy jyldan bastap biz EYDU-men 100-den astam ıýrısdıkııadaǵy azamattarymyzdyń qarjylyq esepshottary týraly aqparat almasýdy josparlap otyrmyz", - dedi Jamaýbaev.
Sonymen qatar, úkimettiń sońǵy keńeıtilgen otyrysynda memleket basshysynyń salyqtyq ákimshilendirýdi túbegeıli ońaılatý boıynsha arnaıy mindetter qoıǵanyn eske saldy.
Ol úshin 2021 jyldan bastap jeke tulǵalardyń múlikteri men jerlerine salynatyn salyqtar biriktirilip, eki salyq ta biryńǵaı tólemmen tólenetinin alǵa tartty. Kópqabatty úı ıelerine arnalǵan jer salyǵy alynyp tastaldy.
"Salyq tóleýshiler úshin múlik salyǵyn tóleýge yńǵaıly bolý úshin «E-Salyq Azamat» mobıldi qosymshasy iske qosyldy. Qosymsha sizge málimetterdi toltyrmaı salyq tóleýge, 2 mınýt aralyǵynda onlaın rejıminde tolyqtyrýlar men avtomatty nesıeler jasaýǵa, artyq tólemderdi basqarýǵa jáne t.b. múmkindikterge jol ashady", - dep aıaqtady sózin Qarjy mınıstri Erulan Jamaýbaev.
"Adyrna" ulttyq portaly
