«نۇر وتان» پارتياسىنىڭ اتىنان جاقىندا عانا ءماجىلىس دەپۋتاتى بولىپ سايلانعان ايدوس سارىم تەلەجۋرناليست نارتاي ارالبايۇلىنىڭ يۋتۋب ارناسىنا بەرگەن سۇحباتىندا ءالەۋمەتتىك جەلىگە قاتىستى ءوز پىكىرىن ايتتى.
–بۇگىنگى كۇندە اقپاراتتانۋدىڭ بىرنەشە قۇرالى، باق، راديو، تەلەديدار، گازەت، الەۋمەتتىك جەلى بار. «كەز كەلگەن ۇلكەن ساياسات جاسايمىن» دەگەن ادام ەشبىر اقپارات ءتۇرىن جوققا شىعارا المايدى. مەن سايلاۋ ناۋقانى باستالار كەزدە ءبىر-ەكى ادامعا قاراتىپ، فەيسبۋك پاراقشامدا ادەيى جازعام. «بۇكىل نۇر وتان» پارتياسىنىڭ مۇشەلەرى الەۋمەتتىك جەلىگە كىرەدى. قازىر ءوزدەرىڭدى تىڭداپ، وزدەرىڭدى ماقتاپ جۇرسىڭدەر. ءجۇز مىڭداپ «نۇر وتاننىڭ» مۇشەلەرى كىرگەن كەزدە وزدەرىڭنىڭ پوزيتسييالارىڭىزدىڭ ءمىنسىز ەمەس ەكەنىنە كوزدەرىڭ جەتەدى. «نۇر وتان» ءۇگىت -ناسيحاتىن ايتقان كەزدە كوزدەءرىڭىز الارادى. دەمالا تۇرىڭىزدار» دەپ جازعانمىن. بۇل ارينە ءازىل بولاتىن. بىراق شىن مانىندە سولاي. دەمەك، ەشبىر اقپارات كوزىن ءوزىڭنىڭ وپپونەنتىنە بەرىپ قويۋعا بولمايدى.
ەڭ وكىنىشتىسى، الەۋمەتتىك جەلىدە وتىرعان ادامداردىڭ وزدەرى بايقاماي قالاتىن زاڭدىلىقتارى بار. بىرىنشىدەن، الگوريتم. كەز كەلگەن الەۋمەتتىك جەءلىنىڭ الگوريتمى ونىڭ ءدۇنيەتانىمى مەن اينالاسىن شەكتەپ تاستايدى. ءسىز كىمگە عانا لايك باساسىز، سونى عانا كورسەتەدى. ءسىزدىڭ فەيسبۋكتا 5 مىڭعا تاياۋ دوسىڭىز بار دەلىك. بىراق سونىڭ ءبارىن دە كورىپ وتىرعان جوقسىز عوي. ارى كەتسە، 50-ءۋىن عانا كورەسىز. ولاردىڭ كوبىسى - وزىڭىزبەن پىكىرلەس، ديدارلاس، داستارحانداس ازاماتتار. سول 50 ادام فەيسبۋكتەگى بۇكىل 5 مىڭ دوسىڭىزدىڭ ءپىكىرىن بەرە المايدى.
ءبىراز ۋاقىت التىنبەك سارسەنبايۇلىنىڭ جانىندا جۇرگەن ايدوس سارىم ءوزىن «ساتقىن» دەپ ايىپتاعاندارعا دا ءۋاجى بارىن ايتتى.
–ساتقىندىق جاسادى» دەگەندى مەن قابىلداي المايمىن. شاكىرتءتىڭ دە وسەتىنى بولادى، ەشبىر شاكىرت مەكتەپتە قالمايدى. ساتقىندىق دەگەنگە كەلەر بولساق، ءبىر ءماجىلىستىڭ وزىندە التىنباي سارسەنبايۇلىنىڭ قانشا دوسى، قانشا شاكىرتى وتىر. بءارى – بءىزدىڭ زامانداستارىمىز. سوندا بۇل اڭگىمە نەگە تەك ماعان عانا ايتىلۋى كەرەك? اڭگىمەنىڭ ادالدىعى قايدا؟ – دەدى ول.
سۇحبات بارىسىندا نارتاي ارالبايۇلىنىڭ «11 اقپان ءسىز ءۇشىن قانداي كۇن؟» دەگەن ساۋالىنا ساياساتتانۋشى، دەپۋتات «قارالى كۇن» دەپ جاۋاپ بەردى. ەسكەرتە كەتەيىك، 2006 جىلدىڭ 11 اقپان كۇنى التىنبەك سارسەنبايۇلى قىلمىسكەرلەرءدىڭ قولىنان ساياسي تاپسىرىسپەن قازا تاپقانى بەلگىلى.
–ءدال قازىر التىنبەك سارسەنبايۇلى ءتىرى بولسا، ءسىزدىڭ بيلىك پارتياسى قۇرامىنا كىرىپ، بيلىككە كەلگەنىڭىزگە نە ايتار ەدى؟ تاعى دا كەشىرىم سۇرار ما ەدىڭىز, –دەگەن ساۋال5ا ايدوس سارىم:
–التەكەڭ ءتىرى بولسا, قازىر كەم دەگەندە ءبىر پارتيانىڭ باسشىسى بولىپ وتىراتىن ەدى. ەگەر ءسىز 2006 جىلى جازعان ۇلكەن سۇحباتتارىن قاراساڭىز، وسى مەنىڭ بۇگىنگى ايتقان نارسەلەرىمءنىڭ ءبارى ايتىلعان. ۇتىلدىڭ با، وندا ۇزاق مەءرزىمدى جۇمىسقا دايىن بولۋ كەرەك، – دەپ جاۋاپ بەردى «نۇر وتان» پارتياسىنىڭ اتىنان دەپۋتات بولعان ايدوس سارىم.
ەركىن قالدان، «ادىرنا» اقپارات پورتالى
