اقپارات جانە قوعامدىق دامۋ ءمينيسترى ايدا بالاەۆا العاشقىلاردىڭ ءبىرى بوپ ۆاكتسينا سالدىراتىنىن مالىمدەدى، دەپ حابارلايدى "ادىرنا" ۇلتتىق پورتالى.
مينيستر ءوز جەكە پاراقشاسىندا قىزىلشا، بەزگەك سىندى اۋرۋلاردىڭ الدىن الىپ، ميلليونداعان ادامنىڭ ءومىرىن قۇتقارعان دا ۆاكتسينا ەكەنىن اتاپ ءوتتى.
"بۇگىن ەلىمىزدە كوروناۆيرۋسكە قارسى ەرىكتى ۆاكتسيناتسيا باستالدى. جىل سوڭىنا دەيىن 6 ميلليون قازاقستاندىققا ەكپە سالىنۋ جوسپارلاندى. مەن دە ۆاكتسينا سالدىرۋشىلاردىڭ الدىڭعى قاتارىندا بولامىن. وزىمىزبەن قوسا وزگەلەر ءۇشىن العان ىشكى جاۋاپكەرشىلىك بۇل شابۋىلدى دا جەڭەتىنىنە سەنەمىن",-دەپ جازدى ايدا بالاەۆا.
سونداي-اق، مينيستر الەۋمەتتىك جەلىلەردە جەلدەي ەسىپ جۇرگەن جالعان اقپاراتتارعا سەنبەۋگە شاقىردى. رەسمي اقپارات كوزدەرىنە سەنىپ، جالعان اقپارات تاراتپاۋعا شاقىردى.
"بۇگىنگى تاڭدا الەۋمەتتىك جەلىلەردە ۆاكتسيناتسيانىڭ قاۋىپتىلىگى تۋرالى جالعان اقپاراتتار كوپ. ءبىزدىڭ www.stopfake.kz پورتالى ونلاين رەجيمدە قۇزىرەتتى ورگانداردىڭ تەرىسكە شىعارۋلارى مەن تۇسىنىكتەمەلەرىن بەرىپ وتىرادى. وتكەن جىلدىڭ قازان ايىنان باستاپ پورتال رەداكتسياسى 50-گە جۋىق فەيك اقپاراتتارمەن قوسا، اعىمداعى جىلدىڭ باسىنان 30 – عا جۋىق فەيكتى جوققا شىعاردى.
بارلىعىن تەك رەسمي اقپارات كوزدەرىنە سەنۋگە جانە جالعان اقپارات تاراتپاۋعا شاقىرامىن",- دەدى ول."ادىرنا ۇلتتىق پورتالى"
