Bloomberg فارماتسەۆتيكا مامانى «سپۋتنيك V» ۆاكتسيناسىنا باعا بەردى

792

Bloomberg اگەنتتىگىنىڭ فارماتسەۆتيكا سالاسىنداعى اعا تالداۋشىسى سەم فازەلي رەسەيلىك «سپۋتنيك V» ۆاكتسيناسىن زەرتتەي كەلە ونىڭ تيىمدىلىگىنە سەنىمدى بولۋعا نەگىز بار ەكەنىن اتاپ ءوتتى، دەپ حابارلايدى “ادىرنا” قازاقپاراتقا سىلتەمە جاساپ.

Bloomberg تالداۋشىسى «سپۋتنيك V» ۆاكتسيناسى بويىنشا ءۇش ارالىق تالداۋمەن 22714 ادام سىناقتان وتكەنىن جازادى. رەسەيلىك ۆاكتسينانى زەرتتەگەن تالداۋشى ونىڭ تيىمدىلىگى 90% نەمەسە ودان دا جوعارى ەكەنىنە كوزى جەتكەن. سونداي-اق، ۆاكتسيناتسيالانعان ادامداردىڭ بىردە-بىرىنەن كوروناۆيرۋس ينفەكتسياسىنىڭ اۋىر ءتۇرى تىركەلمەگەن.

فازەلي ءوز ماقالاسىندا «سپۋتنيك V» ۆاكتسيناسى AstraZeneca-Oxford University مەن Johnson & Johnson ۆاكتسينالارىندا قولدانىلاتىن ۆاكتسينانىڭ الدىڭعى قاتارلى تەحنولوگياسىنىڭ كومەگىمەن جاسالعانىن اتاپ وتەدى. ۆاكتسينانىڭ ەكى دوزاسىندا دا ادەنوۆيرۋستىق ۆەكتورلار، جالپى سۋىقتان كەلەتىن، كوروناۆيرۋستىڭ گەنەتيكالىق ماتەريالىن جەتكىزەتىن جانە يممۋندىق جۇيەنى ودان ءارى ينفەكتسيالاردان قورعانۋ ءۇشىن جاۋاپ بەرەتىن ۆيرۋستار قولدانىلادى.

«سپۋتنيك V» ۆاكتسيناسىنىڭ ءبىر ايىرماشىلىعى بار» دەيدى فازەلي. رەسەيلىك ۆاكتسينا ءبىرىنشى دوزادا (ادەنوۆيرۋس-26) Johnson &Johnson ۆاكتسيناسىندا قولدانىلاتىن ادەنوۆيرۋستى پايدالانادى. ال ەكىنشى دوزادا باسقا ادەنوۆيرۋس (ادەنوۆيرۋس-5) قولدانىلادى. وسىلايشا، اۆتور اتاپ وتكەندەي، ءبىرىنشى دوزاعا يممۋنيتەتتىڭ پايدا بولۋ مۇمكىندىگى الىنىپ تاستالادى. بۇل ەكىنشى دوزانىڭ ءتيىمدى ارەكەت ەتۋ قابىلەتىنە اسەر ەتەدى.

بۇل رەتتە ءبىر پروبلەما - ادامداردىڭ كوپشىلىگىندە ادەنوۆيرۋس-5 يممۋنيتەتىنىڭ بارى. «بىراق ۆاكتسينا وتە ءتيىمدى بولسا، بۇل ۇلكەن كەمشىلىك ەمەس» دەيدى ساراپشى.

«سپۋتنيك V ۆاكتسيناسىن تەرەڭ زەرتتەي كەلە بۇل ۆاكتسينا باتىستىڭ زەرتحانالارىندا جاسالعان ۆاكتسينالار سياقتى كۇشتى كانديدات بولا الادى دەپ ايتۋعا نەگىز بار»، - دەپ جازادى فازەلي.

پىكىرلەر
رەداكتسيا تاڭداۋى