دەنساۋلىق ساقتاۋ مينيسترلىگى جۇقپالى اۋرۋلاردى ەپيدەميولوگيالىق قاداعالاۋ باسقارماسىنىڭ باس ساراپشىسى نۇرشاي ازىمباەۆا قازاقستاندا كوروناۆيرۋسقا قارسى جاپپاي ۆاكتسيناتسيا 1 اقپاندا باستالاتىنىن ايتتى، دەپ حابارلايدى «ادىرنا» ۇلتتىق پورتالى Newsroom+اقپارات اگەنتتىگىنە سىلتەمە جاساپ.
ول ءۇشىن ەلەكتروندى ەسەپ جۇرگىزۋ جوسپارلانىپ جاتىر، ياعني ۆاكتسيناتسيانىڭ ەلەكترون پاسپورتتارى ەنگىزىلمەك.
«ۆاكتسيناتسياعا ارنالعان ەلەكترون پاسپورت – پروفيلاكتيكالىق ەكپە سالىنعانى تۋرالى قۇجات. ول جەردە ادام قانداي پرەپارات قابىلداعانى، قانداي مولشەردە جانە قاي كۇنى، سونىمەن قاتار، ەكپەدەن كەيىن پايدا بولعان قانداي دا ءبىر بەلگى شىققانى تۋرالى اقپارات تۇرادى. ادام كوروناۆيرۋس ينفەكتسياسىنا قارسى ەكپە العاننان كەيىن ول تۋرالى اقپارات جاقىن ۋاقىتتا eGov mobile قوسىمشاسىندا شىعادى. ەكپە العان ادام تۋرالى اقپارات جانە ەكىنشى ۆاكتسينانى قاشان سالدىرۋى كەرەك تۋرالى اقپارات بولادى»، – دەيدى نۇرشاي ازىمباەۆا.
ۆاكتسينا ەكى كەزەڭ بويىنشا سالىنادى. ەكىنشى كەزەڭ ءبىرىنشى ەكپەنى سالعاننان كەيىن 21 كۇننەن سوڭ سالىنادى.
سونىمەن قاتار، دسم وكىلى قازاقستاندا كوروناۆيرۋسقا قارسى ەكپە سالدىرماعاندارعا قانداي دا ءبىر شەكتەۋ ەنگىزىلە مە، الدە جوق پا دەگەن سۇراققا جاۋاپ بەردى.
«بالكىم بولاشاقتا كەي ەلدەر پروفيلاكتيكالىق ەكپە الماعان ادامدارعا شەكتەۋ ەنگىزۋى مۇمكىن. بۇل بولاشاقتاعى اڭگىمە.
بىراق بۇگىندە ءبىزدىڭ ەلدە ەكپە سالدىرماعاندارعا قانداي دا ءبىر شەكتەۋ ەنگىزۋ جوسپارلانىپ جاتقان جوق»، – دەدى ازىمباەۆا.
ونىڭ ايتۋىنشا، ەلەكترون پاسپورت ءۇشىن قوسىمشا قاراجات بولىنبەگەن، سەبەبى جۇيە قولدانىستاعى بازاعا ەنگىزىلمەك.
نۇرشاي ازىمباەۆا ۆاكتسينا سالاتىن مەديتسينا قىزمەتكەرلەرى الدىن الا دايىن بولاتىنىن ايتتى. ولاردىڭ وقۋى 22 قاڭتاردا باستالادى.
دسم وكىلىنىڭ سوزىنشە، ۆاكتسينا سالدىرۋ ەركىن تۇردە بولادى. كەز كەلگەن ادام ودان باس تارتۋعا قۇقىلى.
