19 قاڭتار كۇنى ساعات 09: 30-دا اياگوز قالاسىنىڭ سەرعازين كوشەسىندەگى جەكە تۇرعىن ۇيدەن 32 جاستاعى ايەلدى، سونداي-اق 2008 جانە 2013 جىلدارى تۋعان ەكى ۇلىمەن مەن 2015 جىلى تۋعان قىزىن تۋىسقانى تاۋىپ الدى. ايەل ادام وقيعا ورنىندا كوز جۇمسا، ءۇش بالا اۋرۋحاناعا جاتقىزىلدى. ءبىراز ۋاقىتتان كەيىن 2008 جىلى تۋعان ۇلى اۋرۋحانادا قايتىس بولدى. قازىرگى ۋاقىتتا ەكى بالا اۋرۋحانادا جاتىر. وقيعا ورنىندا ءورت ءسوندىرۋ زەرتحاناسىنىڭ ماماندارى جۇمىس ىستەپ جاتىر.
جازاتايىم وقيعانىڭ بولجامدى سەبەبى پەشتىڭ تازالانباعان مۇرجاسىنان شىققان ۋلى گازبەن ۋلانۋ بولۋى ىقتيمال. بۇل تۋرالى "ادىرنا" ۇلتتىق پورتالى تىلشىسىنە قازاقستان رەسپۋبليكاسى توتەنشە جاعدايلار مينيسترلىگىنىڭ رەسمي وكىلى تالعات ءۋالي مالىمدەدى.
قۇتقارۋشىلار ۋلى گازدى سەزۋ وتە قيىن ەكەنىن اتاپ ءوتتى، ويتكەنى ونىڭ ءتۇسى دە، ءيىسى دە جوق. ۋلانىپ قالماس ءۇشىن پەش جابدىقتارى مەن جەلدەتكىشتىڭ جاي-كۇيىن ۇنەمى باقىلاۋ كەرەك. پەشتى پايدالانار الدىندا ارقاشان تارتقىشتى تەكسەرىپ، ابايلاپ جاعۋ كەرەك.توتەنشە جاعدايلار مينيسترلىگى ۋلى گازدان قورعاۋدىڭ باستى ءتاسىلى، نەگىزگى قاۋىپسىزدىك شارالارىن ساقتاۋ ەكەنىن ەسكەرتەدى، اتاپ ايتقاندا:
- قاتتى وتىنمەن جاناتىن پەشتەردى پايدالانۋ كەزىندە پەش قالىپتى تارتۋ ءۇشىن تۇتىندىكتى جاپپاڭىز;
- مۇرجا جانە پەشتى جينالعان كۇيەدەن تۇراقتى تۇردە تازالاپ وتىرۋ قاجەت (كەم دەگەندە ەكى ايدا ءبىر رەت);
- جانىپ جاتقان جىلىتۋ پەشتەرىن قاراۋسىز قالدىرۋعا بولمايدى;
- وتىن پەشتىڭ سىرتىنا شىعىپ تۇرعان جاعدايدا ونى تۇتاتۋعا بولمايدى;
- پەشتىڭ مۇرجاسىن جوندەۋ جۇمىستارىن ۋاقتىلى جۇرگىزىپ وتىرعان ابزال."ادىرنا" ۇلتتىق پورتالى
فوتو اشىق دەرەككوزدەن الىندى
