7 ادام اۆتوكولىكپەن مۇز استىنا ءتۇسىپ كەتكەن.

1599
Adyrna.kz Telegram

2020 جىلدىڭ 8 جەلتوقسانىندا قىزىلوردا وبلىسىنىڭ ارال اۋدانىندا قامىستىباس اۋىلىنان 35 شاقىرىم جەردە قامباش كولىندە «ۋاز» ماركالى اۆتوكولىك مۇز استىنا ءتۇسىپ كەتكەن.

بۇل تۋرالى «ادىرنا» ۇلتتىق پورتالىنا قازاقستان رەسپۋبليكاسىنىڭ توتەنشە جاعدايلار مينيسترىلىگىنىڭ رەسمي وكىلى حابارلادى.

اۆتوكولىك سالونىندا 7 ادام بولعان. ونىڭ 3-ەۋى كولىكتەن وزدەرى شىعىپ ۇلگەرگەن. قۇتقارۋشىلار سۋعا باتىپ كەتكەن 1985, 1981, 1994, 1973 جىلى تۋعان 4 ادامدى ىزدەستىردى. بىراق تۇنگى ۋاقىتتا ىزدەستىرۋ جۇمىستارى توقتاتىلعان.        بۇگىن، ياعني 2020 جىلدىڭ 9 جەلتوقسانىندا تاڭەرتەڭ ىزدەۋ جۇمىستارى قايتا جالعاستىرىلدى.
ىزدەستىرۋ جۇمىستارى بارىسىندا 7 مەتر تەرەڭدىكتە (مۇزدىڭ قالىڭدىعى 25 سم) ۋاز اۆتوكولىگى تابىلدى. اۆتوكولىكتىڭ ىشىندە قايتىس بولعان ادامداردىڭ دەنەلەرى بار. قۇتقارۋشىلار قازا تاپقان 4 ادامنىڭ ءمايىتىن پوليتسيا قىزمەتكەرلەرىنە تاپسىردى.
ىزدەستىرۋ جۇمىستارىنا قىزىلوردا وبلىسى تج دەپارتامەنتىنىڭ، پوليتسيا دەپارتامەنتىنىڭ، جەرگىلىكتى اتقارۋشى ورگانداردىڭ كۇشتەرى مەن قۇرالدارى جانە تۋىستارى بار بارلىعى 27 ادام، 7 بىرلىك تەحنيكا جۇمىلدىرىلدى.

 

«ادىرنا» ۇلتتىق پورتالى

پىكىرلەر