19 qańtar kúni saǵat 09: 30-da Aıagóz qalasynyń Serǵazın kóshesindegi jeke turǵyn úıden 32 jastaǵy áıeldi, sondaı-aq 2008 jáne 2013 jyldary týǵan eki ulymen men 2015 jyly týǵan qyzyn týysqany taýyp aldy. Áıel adam oqıǵa ornynda kóz jumsa, úsh bala aýrýhanaǵa jatqyzyldy. Biraz ýaqyttan keıin 2008 jyly týǵan uly aýrýhanada qaıtys boldy. Qazirgi ýaqytta eki bala aýrýhanada jatyr. Oqıǵa ornynda órt sóndirý zerthanasynyń mamandary jumys istep jatyr.
Jazataıym oqıǵanyń boljamdy sebebi peshtiń tazalanbaǵan murjasynan shyqqan ýly gazben ýlaný bolýy yqtımal. Bul týraly "Adyrna" ulttyq portaly tilshisine Qazaqstan Respýblıkasy Tótenshe Jaǵdaılar Mınıstrliginiń resmı ókili Talǵat Ýálı málimdedi.
Qutqarýshylar ýly gazdy sezý óte qıyn ekenin atap ótti, óıtkeni onyń túsi de, ıisi de joq. Ýlanyp qalmas úshin pesh jabdyqtary men jeldetkishtiń jaı-kúıin únemi baqylaý kerek. Peshti paıdalanar aldynda árqashan tartqyshty tekserip, abaılap jaǵý kerek.Tótenshe Jaǵdaılar Mınıstrligi ýly gazdan qorǵaýdyń basty tásili, negizgi qaýipsizdik sharalaryn saqtaý ekenin eskertedi, atap aıtqanda:
- qatty otynmen janatyn peshterdi paıdalaný kezinde pesh qalypty tartý úshin tútindikti jappańyz;
- murja jáne peshti jınalǵan kúıeden túraqty túrde tazalap otyrý qajet (kem degende eki aıda bir ret);
- janyp jatqan jylytý peshterin qaraýsyz qaldyrýǵa bolmaıdy;
- otyn peshtiń syrtyna shyǵyp turǵan jaǵdaıda ony tutatýǵa bolmaıdy;
- peshtiń murjasyn jóndeý jumystaryn ýaqtyly júrgizip otyrǵan abzal."Adyrna" ulttyq portaly
foto ashyq derekkózden alyndy
