مايرا مۇحامەدقىزى باسشىلىق لاۋازىمعا تاعايىندالدى

1404

مايرا مۇحامەدقىزى شىمكەنت قالالالىق وپەرا جانە بالەت تەاتىرىنىڭ باسشىسى قىزمەتىنە تاعايىندالدى.  بۇل تۋرالى «ادىرنا» ۇلتتىق پورتالى شىمكەنت قالاسى اكىمدىگىنىڭ ينستاگرامداعى  پاراقشاسىنا سىلتەمە جاساي وتىرىپ حابارلايدى.

شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان قالالىق وپەرا جانە بالەت تەاترىنىڭ جاڭا باسشىسىن مەكەمە قىزمەتكەرلەرىنە تانىستىردى.

مايرا مۇحامەدقىزى -  قر ەڭبەك سىڭىرگەن ءارتىسى، «قۇرمەت»، «وتان» وردەندەرىنىڭ يەگەرى، «تارلان» سىي̆لىعىنىڭ، قر مەملەكەتتىك سىي̆لىعىنىڭ لاۋرەاتى، پاريجدەگى «گراند وپەرانىڭ» قازاقستاننان شىققان تۇڭعىش ءانشىسى.

ول 1969 جىلى 5 قىركۇيەكتە قحر-دا دۇنيەگە كەلگەن. بەي̆جىڭ ۇلتتار ۋنيۆەرسيتەتىنىڭ مۋزىكا فاكۋلتەتىندە (دجوۋ بەن چين سىنىبى) جانە پەكين كونسەرۆاتورياسىندا (گو شۋ دجەن سىنىبى) ءبىلىم العان.

رەپەرتۋارىنداعى كوپتەگەن شىعارمالار قازاقستان ساحناسىندا بۇرىن سوڭدى ورىندالماعان. وپەرالىق جانە كونتسەرتتىك رەپەرتۋارىن اسقان تالعامپازدىقپەن تاڭداپ، ۇلكەن ەڭبەكقورلىق پەن ىزدەنىستىڭ ۇلگىسىن كورسەتىپ كەلەدى.

مايرا مۇحامەدقىزىنا ەڭبەگىنە جەمىس، قىزمەتىنە ابىروي تىلەيمىز.

"ادىرنا" ۇلتتىق پورتالى

فوتو اشىق دەرەككوزدەن الىندى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket