«قالانى قوپاردىڭ دا، شايقادىڭ دا،
بىراق، باقىت تاپپادىڭ، بايقادىڭ با؟
باقىت دەگەن قالاعا بارعان جوق قوي،
باقىتتى بولعىڭ كەلسە، قايت اۋىلعا!»,–دەپ اقىندار جىرلاعانداي كەي ساتتەردە ادام جانىنا اۋىل دەگەن ءسوزدىڭ ءوزى جۇبانىش بولارى ءسوزسىز. ال حالىقتىڭ باسىم كوپشىلىگى قالاعا قاراي اعىلماي، ءوز تۋعان توپىراعىندا تۇراقتاسا، دەمەك مەملەكەتتىڭ حالىققا، حالىقتىڭ ءوز-وزىنە دەگەن ادالدىعى بولار ەدى. ءيا، الدا سايلاۋ كەلە جاتىر. سايلاۋدا التىن قازىعىنىڭ قامىن ويلايتىن، «اۋىل» دەسە جۇرەگى اتويلاپ قويمايتىن، قيىن-قىستاۋ تۇرمىس-تىرشىلىگىنەن ارىلتۋعا كومەك قولىن سوزاتىن «اۋىل» پارتياسى تۋرالى ەل اۋزىندا جۇرگەندەر نە دەيدى ەكەن؟! ەندەشە قر پارلامەنتى ءماجىلىسىنىڭ دەپۋتاتتىعىنا كانديدات، "اۋىل" پارتياسىنىڭ مۇشەسى داۋلەتكەرەي كاپۇلىنىڭ پىكىرىنە نازار اۋدارىڭىزدار.
- اۋىل دەگەن اتىنىڭ ءوزى ادامنىڭ جۇرەگىنە جاقىن. كىندىك قانىم تامعان جەر اۋىل بولعاندىقتان جانە سول اۋىلدىڭ قادىر-قاسيەتىن قاشىرىپ العاندىقتان الدەڭە جاساعىم كەلەدى دە تۇرادى. مىنە، وسى سەبەپتەن عانا پارتيا مۇشەلىگىنەن ءوتىپ، پارتيا ارقىلى اۋىلعا كومەك-قولىمدى سوزامىن دەپ بەلسەنىپ وتىرمىن. تاياۋدا عانا اقىن-جازۋشىلار، قالامگەرلەرمەن بىرىگىپ، «اۋىلىم–التىن تۇعىرىم» بايقاۋىن دا وتكىزگەن ەدىك. وسى سەكىلدى وتكىزگەن ادەبي كونكۋرستاردىڭ باسى-قاسىندا تابىلىپ جۇرگەندىكتەن، تۋعان توپىراعىمىز ءۇشىن قام-قارەكەت جاساۋ، جاعدايىن كوتەرۋ ىسىنە ارالاسقىم كەلدى. اۋىل قازاعىنىڭ كوزىندەگى جاستى سۇرە الدىق پا؟ مىنە، وسى باستى سۇراق. جاپپاي قازاق قالاعا كوشىپ، اۋىل بيلىك تاراپىنان قاراۋسىز قالدى. اۋىز-سۋ ماسەلەسى، ەگىننىڭ دۇرىس شىقپاۋى، كوكتەمدە لاي كەشۋ، قىستىڭ كۇنى قار استىندا قالۋ، مال-جانعا قولايسىزدىق، جەپ-ءشوپتىڭ قىمباتتىعى ماسەلەلەرى كەز-كەلگەن ادامدى شارشاتارى ءسوزسىز. سوندىقتان وسى ماسەلەلەردى شەشۋ ءۇشىن بارىمىزدى سالامىز. پرەزيدەنت ءتىل ماسەلەسىن، ەل ماسەلەسىن ايتتى. ول ارا-تۇرا جيىنداردا عانا جىلت ەتىپ تۇردى. سونىمەن 30 جىل وتە شىقتى. اۋىل دەيتىن اسىل قازىنامىزدى ءسال شارشاتىپ الدىق. ەندى بىزگە ارەكەت ەتۋ كەرەك.
مەن كوكەيدە جۇرگەن بىرنەشە ۇسىنىستارىمدى ايتايىن. العاشقىسى، ءتىل ماسەلەسى. ءتىل – تاۋەلسىزدىگىمىزدىڭ كەپىلى، ۇلتتىڭ جانى. سوندىقتان باسقا ۇلت وكىلدەرىن قازاقشا سويلەتۋ كەرەك. ول ءۇشىن ارينە، جوعارىداعى دوكەيلەردى بۇلبۇلشا سايراتۋعا ءتيىسپىز. ءوزىمىز ءتىلدى قادىرلەپ تۇرماعان سوڭ، باسقا ۇلتتار دا شالقايادى. مەن باسقا ءتىل دە بىلمەيمىن. سوندىقتان ءوز باسىم تەك قازاقشا سويلەيمىن.
ەكىنشىسى، قازاق حالقىنىڭ رۋحى اۋىلدان باستاۋ الاتىنىڭ ۇمىتتىرماۋ. ءتورت-تۇلىك مالدىڭ قادىر-قاسيەتىن ارتتىرۋ. اۋىل شارۋاشىلىعىنىڭ كاپيتالىن تۇزەۋگە جان سالۋ. ول ءۇشىن اۋىل شارۋاشىلىق مەنەدجەرلەرىن وقىتۋ ءىسىن قولعا الايىق.
ءۇشىنشىسى، اۋىلدىڭ تۇرمىسىن تۇزەۋىمىز كەرەك. ول ءۇشىن دە قارجى مەن ۇمىتىلىس، ماقسات قاجەت.
ءتورتىنشىسى، ءار ادام – ۇلتىمىزدىڭ تاعدىرىن قۇراۋشىسى ەكەنىن ەستە ۇستاعانى ءجون. ارينە، ول ءۇشىن قارا شاڭىراعىن، اتا-اجەسىن، مال-جانىڭ ۇمىتپاي، ساياسي ساۋاتىن ارتتىرىپ، سايلاۋ ۋچاسكەسىنەن تابىلىپ، «اۋىل پارتياسىنا» داۋىس بەرسە ەكەن دەيمىن.
ماقالاعا قاراجات «اۋىل» حالىقتىق-دەموكراتيالىق
پاترويتتىق پارتياسىنىڭ
سايلاۋ قورىنىڭ قاراجاتىنان تولەندى
اقگۇل ايداربەكوۆا،
«ادىرنا» ۇلتتىق پورتالى
