مەملەكەتتىك جاردەماقىلاردىڭ مولشەرى ءوستى

4815
Adyrna.kz Telegram

قازاقستاندا زەينەتاقى مەن مەملەكەتتىك جاردەماقىلاردىڭ مولشەرى ءوستى، دەپ حابارلايدى «ادىرنا» ءتىلشىسى ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.

قازاقستاندا 2021 جىلعى 1 قاڭتاردان باستاپ جاسىنا بايلانىستى زەينەتاقى مولشەرى 7% - عا، بازالىق زەينەتاقى مەن مەملەكەتتىك جاردەماقى مولشەرى 5% - عا ۇلعايدى.

ناتيجەسىندە بازالىق زەينەتاقى تولەمىن ەسكەرە وتىرىپ، ەڭ تومەنگى زەينەتاقى مولشەرى 1 قاڭتاردان باستاپ 61 796 تەڭگەنى قۇرايدى.
بۇل ءوسىم 2,2 ملن زەينەتكەرگە قاتىستى.

بۇدان باسقا، 2021 جىلعى 1 قاڭتاردان باستاپ ەڭ تومەنگى كۇنكورىس دەڭگەيى شاماسىنىڭ وزگەرۋىنە بايلانىستى جاردەماقىلاردىڭ مىناداي تۇرلەرى 5% - عا ارتتىرىلدى:

- مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلار;
- مۇگەدەكتىگى بار بالالاردى تاربيەلەپ وتىرعان اتا-انالارعا، قامقورشىلارعا مەملەكەتتىك جاردەماقى;
- بالا كەزىنەن I-ءشى توپتاعى مۇگەدەككە كۇتىم جاسايتىن وتباسىلارعا (ادامدارعا) مەملەكەتتىك جاردەماقى.

ايلىق ەسەپتىك كورسەتكىش مولشەرىنىڭ ۇلعايۋىنا بايلانىستى 1 قاڭتاردان باستاپ كەلەسى جاردەماقىلاردىڭ مولشەرى 5% - عا ارتتى:

- №1 جانە №2 تىزىمدەر بويىنشا مەملەكەتتىك ارنايى جاردەماقىلار;
- بالا ءبىر جاسقا تولعانعا دەيىن ونىڭ كۇتىمىنە بايلانىستى مەملەكەتتىك جاردەماقىلار;
- بالا تۋعاندا بەرىلەتىن بىرجولعى مەملەكەتتىك جاردەماقى;
- «التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان جانە «انا داڭقى» وردەنىمەن ماراپاتتالعان كوپبالالى انالارعا ارنايى مەملەكەتتىك جاردەماقىلار، مەملەكەتتىك جاردەماقىلار;
- بىرگە تۇراتىن ءتورت جانە ودان دا كوپ كامەلەتكە تولماعان بالالارى، ونىڭ ىشىندە كامەلەتتىك جاسقا تولعاننان كەيىن ءبىلىم بەرۋ ۇيىمدارىن بىتىرەتىن ۋاقىتقا دەيىن (بىراق جيىرما ءۇش جاسقا تولعانعا دەيىن) ورتا، تەحنيكالىق جانە كاسىپتىك، ورتا بىلىمنەن كەيىنگى، جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىندا كۇندىزگى وقۋ نىسانى بويىنشا وقيتىن بالالارى بار كوپبالالى وتباسىلارعا بەرىلەتىن مەملەكەتتىك جاردەماقىلار;
- سەمەي يادرولىق سىناق پوليگونىنداعى يادرولىق سىناقتاردىڭ سالدارىنان زارداپ شەككەن ازاماتتارعا جانە جاپپاي ساياسي قۋعىن-سۇرگىن قۇرباندارىنا تاعايىندالعان، بىراق تولەنبەگەن بىرجولعى اقشالاي وتەماقىلار.
«مىندەتتى الەۋمەتتىك ساقتاندىرۋ تۋرالى» زاڭعا سايكەس ماسق-دان ەڭبەك ەتۋ قابىلەتىنەن ايرىلۋ جانە اسىراۋشىسىنان ايرىلۋ جاعدايلارىنا تولەنەتىن الەۋمەتتىك تولەمدەردىڭ مولشەرى دە 5% - عا ارتتىرىلدى.

«ادىرنا» ۇلتتىق پورتالى

پىكىرلەر