تانىمال جۋرناليست ءنازيا جويامەرگەنقىزى ءوزىنىڭ الەۋمەتتىك جەلى پاراقشاسىندا مۇعالىمدەر مەن بيلىكتىڭ قولبالاسىنا اينالعان باسقا دا ماماندىق يەلەرىنە قاتىستى جازبا قالدىردى دەپ حابارلايدى «ادىرنا» ۇلتتىق پورتالى. جۋرناليست كەز كەلگەن ساياسي ناۋقاندا مۇعالىمدەر شاپقىلاسا، ال بيلىكتەن ءتۇرلى ماراپات الۋ ءۇشىن جۋرناليستەردىڭ دە جالپاقتاپ، جارامساقتاناتىن جاعدايى جيىلەپ كەتكەنىن ايتادى.
«مۇعالىمدەردى كىنالايتىندار بار. “ازاماتتىق ۇستانىمى جوق، بيلىككە قارسى شىعا المايدى، قورقاق”، - دەپ. بىراق تەك شىندىقتى ايتادى دەپ ەل ءۇمىت كۇتەتىن جۋرناليستەر دە وڭىپ تۇرعان جوق قوي؟ جۋرناليستەر اراسىندا دا قورقاقتار كوپ) سايلاۋسىز نە سايلاۋالدى كامپانياسىز-اق بيلىكتىڭ ارتىنا كىرىپ، العىس حات الىپ، وردەن-مەدال جيناپ، اكىمقارالارعا جالباقتاپ جۇرگەندەردەن كوز سۇرىنەدى. جارامساقتىعىنا ارلانبايتىن جۋرناليستەردى دە كورىپ ءجۇرمىز. بۇل اقىن-جازۋشىلارعا دا قاتىستى. ءبىلىم سالاسىنداعى قىزمەتكەرلەر اراسىندا ساياسي تۇرعىدا بەلسەندى بولۋعا لايىق تۇلعالار جەتەرلىك. بىراق ولار ءدال قازىرگى جەمقور جۇيەگە قارسى شىعا المايدى. بوس اۋرە. مۇعالىمنىڭ باستى مىندەتى - بالالارعا ءبىلىم بەرۋ. بىراق ءبىزدىڭ سورلى بيلىك ولاردى ماجبۇرلەيدى عوي ساياساتقا ارالاسۋعا: ءتۇرلى سايلاۋ كەزىندە داۋىس بەرۋگە شاقىراتىندار - مۇعالىمدەر، حالىق ساناعى بولاتىن كەزدە ءۇي-ءۇيدى كەزىپ، وتباسىلاردى تۇگەندەيتىن - مۇعالىمدەر، انەبىر پارتيانىڭ جينالىسىندا زالدى تولتىرىپ وتىراتىن - مۇعالىمدەر... ءيتتىڭ قۇلى يتاقايى باسىنادى مۇعالىمدەردى. ءتىپتى، بالاسىنا ءۇي تاپسىرماسىن ورىنداۋعا كومەكتەسۋگە نەرۆىسى جەتپەيتىن قويانشىق اكە-شەشەگە دەيىن اۋزىنا كەلگەنىن ايتىپ، مىندەتسيدى. اكىمدەردىڭ جينالىسى، سۋببوتنيك، اۋلا تازالاۋ، قۇدايعا قاجەتى جوق گازەتتەرگە جازىلۋ، ءتۇرلى ناۋقاندارعا بەلسەنە ارالاسۋ... سونىڭ ءبارى اكىمدىكتەردەگى كەيبىر توپاستاردىڭ بۇيرىعىمەن جۇزەگە اسىرىلادى. قاعازباستىلىعى تاعى بار مۇعالىمدەردىڭ. مەكتەپ پەن ءبىلىم بەرۋ سالاسىن تەك ءبىلىم مينيسترلىگىنە بەرۋ كەرەك. اكىمدەر، اكىمدىكتەردەگى ءبىلىم باسقارمالارى ۆاششە مۇرنىن تىقپاسىن. سوسىن بارىپ ءبىلىم ساپاسىن تەك مينيسترلىكتەن تالاپ ەتسىن. جۋرناليستەر وسى ماسەلەنى ءجيى كوتەرگەنى ءجون. بيلىككە ءبارىبىر، ايتپەسە."
فوتو اشىق دەرەككوزدەن الىندى.
