Tanymal jýrnalıst Názııa JOIaMERGENQYZY óziniń áleýmettik jeli paraqshasynda muǵalimder men bıliktiń qolbalasyna aınalǵan basqa da mamandyq ıelerine qatysty jazba qaldyrdy dep habarlaıdy «Adyrna» ulttyq portaly. Jýrnalıst kez kelgen saıası naýqanda muǵalimder shapqylasa, al bılikten túrli marapat alý úshin jýrnalısterdiń de jalpaqtap, jaramsaqtanatyn jaǵdaıy jıilep ketkenin aıtady.
«Muǵalimderdi kinálaıtyndar bar. “Azamattyq ustanymy joq, bılikke qarsy shyǵa almaıdy, qorqaq”, - dep. Biraq tek shyndyqty aıtady dep el úmit kútetin jýrnalıster de ońyp turǵan joq qoı? Jýrnalıster arasynda da qorqaqtar kóp) Saılaýsyz ne saılaýaldy kampanııasyz-aq bıliktiń artyna kirip, alǵys hat alyp, orden-medal jınap, ákimqaralarǵa jalbaqtap júrgenderden kóz súrinedi. Jaramsaqtyǵyna arlanbaıtyn jýrnalısterdi de kórip júrmiz. Bul aqyn-jazýshylarǵa da qatysty. Bilim salasyndaǵy qyzmetkerler arasynda saıası turǵyda belsendi bolýǵa laıyq tulǵalar jeterlik. Biraq olar dál qazirgi jemqor júıege qarsy shyǵa almaıdy. Bos áýre. Muǵalimniń basty mindeti - balalarǵa bilim berý. Biraq bizdiń sorly bılik olardy májbúrleıdi ǵoı saıasatqa aralasýǵa: túrli saılaý kezinde daýys berýge shaqyratyndar - muǵalimder, halyq sanaǵy bolatyn kezde úı-úıdi kezip, otbasylardy túgendeıtin - muǵalimder, ánebir partııanyń jınalysynda zaldy toltyryp otyratyn - muǵalimder... Ittiń quly ıtaqaıy basynady muǵalimderdi. Tipti, balasyna úı tapsyrmasyn oryndaýǵa kómektesýge nervisi jetpeıtin qoıanshyq áke-sheshege deıin aýzyna kelgenin aıtyp, mindetsıdi. Ákimderdiń jınalysy, sýbbotnık, aýla tazalaý, Qudaıǵa qajeti joq gazetterge jazylý, túrli naýqandarǵa belsene aralasý... Sonyń bári ákimdikterdegi keıbir topastardyń buıryǵymen júzege asyrylady. Qaǵazbastylyǵy taǵy bar muǵalimderdiń. Mektep pen bilim berý salasyn tek Bilim mınıstrligine berý kerek. Ákimder, ákimdikterdegi bilim basqarmalary vae murnyn tyqpasyn. Sosyn baryp bilim sapasyn tek mınıstrlikten talap etsin. Jýrnalıster osy máseleni jıi kótergeni jón. Bılikke báribir, áıtpese."
Foto ashyq derekkózden alyndy.
