ءماجىلىس دەپۋتاتتارى سەنات ەنگىزگەن تۇزەتۋلەرمەن كەلىستى. ەسكە سالا كەتەيىك، كەشە سەناتورلار زەينەتاقى جيناعىن مەرزىمىنەن بۇرىن پايدالانۋ تۋرالى زاڭ جوباسىن ماجىلىسكە كەرى قايتارعان بولاتىن.
پارلامەنت قابىلداعان زاڭ جوباسىنا تومەندەگىدەي تۋزەتۋلەر ەنگىزىلدى:
- قازاقستان رەسپۋبليكاسى ۇكىمەتى ۋاكىلەتتىك بەرگەن تۇلعا مەن زاڭدى تۇلعا، ونىڭ ىشىندە «استانا» حالىقارالىق قارجى ورتالىعىنىڭ يۋريسديكتسياسىندا تىركەلگەن زاڭدى تۇلعا اراسىندا قازاقستان رەسپۋبليكاسى ۇكىمەتىنىڭ شەشىمى بويىنشا ينۆەستيتسيالار تۋرالى كەلىسىم جاساسۋ تۋرالى;
- ۇلتتىق بانكتىڭ ۆاليۋتالىق رەتتەۋ، اقشا-كرەديت ستاتيستيكاسى جانە قارجى نارىعىنىڭ ستاتيستيكاسى، قولما-قول اقشا اينالىمى، تولەمدەر مەن تولەم جۇيەلەرى، قارجىلىق تۇراقتىلىق، قازاقستان رەسپۋبليكاسىنىڭ بەيرەزيدەنت بانكتەرى فيليالدارىنىڭ، قازاقستان رەسپۋبليكاسىنىڭ بەيرەزيدەنت ساقتاندىرۋ (قايتا ساقتاندىرۋ) ۇيىمدارى فيليالدارىنىڭ جانە قازاقستان رەسپۋبليكاسىنىڭ بەيرەزيدەنت ساقتاندىرۋ بروكەرلەرى فيليالدارىنىڭ رەتتەۋ، باقىلاۋ جانە قاداعالاۋ ماسەلەلەرى بويىنشا اكىمشىلىك دەرەكتەردى جيناۋ جانە وڭدەۋ جونىندەگى وكىلەتتىكتەرىن تولىقتىرۋ;
- سينديكاتتالعان قارجىلاندىرۋ شارتتارىن رەگلامەنتتەۋ;
- زەينەتاقى جيناقتارى وسى ينۆەستيتسيالىق پورتفەلدى باسقارۋشىنىڭ سەنىمگەرلىك باسقارۋىندا بولعان مىندەتتى كاسىپتىك زەينەتاقى جارنالارى اۋدارىلعان سالىمشىلارعا كەيىننەن اۋدارۋ ءۇشىن ينۆەستيتسيالىق پورتفەلدى باسقارۋشى العان زەينەتاقى اكتيۆتەرىنىڭ نومينالدىق كىرىستىلىگى مەن بىرىڭعاي جيناقتاۋشى زەينەتاقى قورىنىڭ مەنشىكتى كاپيتالى ەسەبىنەن زەينەتاقى اكتيۆتەرى كىرىستىلىگىنىڭ بارىنشا تومەن ءمانى اراسىنداعى تەرىس ايىرمانى وتەۋدى تالاپ ەتۋگە قۇقىلى.
زاڭ جوباسىنا سايكەس قازاقستاندىقتار زەينەتاقى جيناعىنىڭ ءبىر بولىگىن باسپانا ساتىپ الۋعا، ەمدەلۋگە جانە جەكە قارجى كومپانيالارىنىڭ باسقارۋىنا بەرۋگە پايدالانا الادى.
زاڭ جوباسى پرەزيدەنتتىڭ قول قويۋىنا جولداندى.
«ادىرنا» ۇلتتىق پورتالى
