الماتىداعى بەس جۇلدىزدى InterContinental قوناق ۇيىندە ءبىر جارىم جاسار قىزىن ولتىرگەن بريتاندىق ازامات باراكات موحامەد 20 جىلعا باس بوستاندىعىنان ايىرىلدى، دەپ حابارلايدى «ادىرنا» ءتىلشىسى.
قىلمىستىق پروتسەسس ونلاين فورماتتا ءوتتى. ءىستى قالالىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى باحىتحان باكىرباەۆ قارادى.
قىلمىسكەر گونكونگ ەير كارگونىڭ ۇشقىشى بولىپ قىزمەت اتقارعان، ال ونىڭ جارى – 22 جاستاعى الماتى وبلىسىنىڭ تۋماسى.
ەسكە سالا كەتسەك، وقيعا 2019 جىلعى 24 قازان كۇنى بولعان ەدى. شەتەلدىك ازامات ءبىر جارىم جاسار قىزىن سوققىعا جىققان. پروكۋرورلاردىڭ مالىمەتىنشە، سوفيا ەسىمدى ءسابي باسى قىسىلىپ كوز جۇمدى.
«ادىرنا» ۇلتتىق پورتالى
