الماتى قالاسىندا قازاق سپورت جانە تۋريزم اكادەمياسى مەن «سپورت جۇلدىزدارى» رەسپۋبليكالىق جۋرنالىنىڭ ۇيىمداستىرۋىمەن سپورت سالاسىنداعى «جىل ۇزدىگى-2020» جەڭىمپازدارىن ماراپاتتاۋ ءراسىمى مەن «ۇلت باتىرلارى» كىتابىنىڭ تۇساۋكەسەرى ءوتتى.
قازاق سپورت جانە تۋريزم اكادەمياسىنىڭ ءبىرىنشى پرورەكتورى مۇحتار ەسقاليەۆ ءوزىنىڭ قۇتتىقتاۋ سوزىمەن كەشتى اشىپ، بەلگىلى قالامگەر، جازۋشى پەرنەباي دۇيسەنبين مەن «سپورت جۇلدىزدارى» جۋرنالىنىڭ باس رەداكتورى مۇساعالي تاسقاليەۆتەر بىرىگىپ جازعان «ۇلت باتىرلارى» كىتابىنىڭ ماڭىزدىلىعىنا توقتالدى.
جەڭىل اتلەتيكادان كەڭەس وداعىنىڭ سەگىز دۇركىن چەمپيونى، ەۋروپا كۋبوگىنىڭ يەگەرى، كسرو حالىقتارى سپارتاكياداسىنىڭ جەڭىمپازى ءامين تۇياقوۆ 1941-1945 جىلدارداعى وتان سوعىسىندا ەرەكشە ەرلىك كورسەتىپ، قازاقتان شىققان كەڭەس وداعىنىڭ باتىرلارى تۋرالى جازىلعان «ۇلت باتىرلارى» كىتابىنىڭ تۇساۋكەسەر ءراسىمىن جاسادى. اتالعان كىتاپتىڭ جارىق كورۋىنە قولداۋ كورسەتكەن قىلىش وتەتىلەۋۇلىنىڭ ۇرپاقتارى كىتاپ اۆتورلارىنا قازاقتىڭ داستۇرىمەن ات مىنگىزدى. «ۇلت باتىرلارى» كىتابى بەلگىلى كاسىپكەر، مەتسەنات ايتقالي ىزماقتىڭ دەمەۋشىلىگىمەن مىڭ دانا تارالىممەن باسىلىپ شىققان.
بيىلعى جەڭىستىڭ 75 جىلدىعىنا ارنايى شىعارىلعان «ۇلت باتىرلارى» كىتابىنىڭ تۇساۋكەسەر سالتاناتىنا جازۋشى پەرنەباي دۇيسەنبيننىڭ شاكىرتى شالقار راديوسىنىڭ ديرەكتورى بولاتبەك تولەپبەرگەن قاتىسىپ، ءوزىنىڭ جۇرەكجاردى تىلەگىن جەتكىزدى. قازاق ءان ونەرىنىڭ مايتالماندارى وكتەم التاەۆ، ەسەت سادۋاقاسوۆ جانە ارداق يساتاەۆا اسەم اننەن شاشۋ شاشتى.
بەلگىلى قالامگەر، جازۋشى پەرنەباي دۇيسەنبين بۇل ەڭبەكتە كوپتەگەن جىلدار بويى ىزدەنە وتىرىپ، انىقتاعان، قازاق ۇلتىنان شىققان 105 كەڭەس وداعى باتىرلارىنىڭ ەسىمدەرىن، قىسقاشا ءومىرباياندارىن جانە ءتۇرلى-ءتۇستى فوتوسۋرەتتەرىن العاش رەت جارىققا شىعارىپ وتىر.
«ۇلت باتىرلارى» كىتابى جارىق كوردى
22.12.2020
3531
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз