«ULT BATYRLARY» kitaby jaryq kórdi

3484
Adyrna.kz Telegram

Almaty qalasynda Qazaq Sport jáne týrızm akademııasy men «Sport juldyzdary» respýblıkalyq jýrnalynyń uıymdastyrýymen sport salasyndaǵy «Jyl úzdigi-2020» jeńimpazdaryn marapattaý rásimi men «Ult batyrlary» kitabynyń tusaýkeseri ótti.
Qazaq Sport jáne týrızm akademııasynyń birinshi prorektory Muhtar Esqalıev óziniń quttyqtaý sózimen keshti ashyp, belgili qalamger, jazýshy Pernebaı Dúısenbın men «Sport juldyzdary» jýrnalynyń bas redaktory Musaǵalı Tasqalıevter birigip jazǵan «Ult batyrlary» kitabynyń mańyzdylyǵyna toqtaldy.
Jeńil atletıkadan Keńes odaǵynyń segiz dúrkin chempıony, Eýropa kýbogynyń ıegeri, KSRO halyqtary spartakıadasynyń jeńimpazy Ámın Tuıaqov 1941-1945 jyldardaǵy otan soǵysynda erekshe erlik kórsetip, qazaqtan shyqqan Keńes Odaǵynyń batyrlary týraly jazylǵan «Ult batyrlary» kitabynyń tusaýkeser rásimin jasady. Atalǵan kitaptyń jaryq kórýine qoldaý kórsetken Qylysh Ótetileýulynyń urpaqtary kitap avtorlaryna qazaqtyń dástúrimen at mingizdi. «Ult batyrlary» kitaby belgili kásipker, meenat Aıtqalı Izmaqtyń demeýshiligimen myń dana taralymmen basylyp shyqqan.
Bıylǵy Jeńistiń 75 jyldyǵyna arnaıy shyǵarylǵan «Ult batyrlary» kitabynyń tusaýkeser saltanatyna jazýshy Pernebaı Dúısenbınniń shákirti Shalqar radıosynyń dırektory Bolatbek Tólepbergen qatysyp, óziniń júrekjardy tilegin jetkizdi. Qazaq án óneriniń maıtalmandary Óktem Altaev, Eset Sádýaqasov jáne Ardaq Isataeva ásem ánnen shashý shashty.
Belgili qalamger, jazýshy Pernebaı Dúısenbın bul eńbekte kóptegen jyldar boıy izdene otyryp, anyqtaǵan, qazaq ultynan shyqqan 105 Keńes odaǵy batyrlarynyń esimderin, qysqasha ómirbaıandaryn jáne túrli-tústi fotosýretterin alǵash ret jaryqqa shyǵaryp otyr.

Pikirler