رەسەي دۋماسىنىڭ دەپۋتاتتارى ۆياچەسلاۆ نيكونوۆ پەن ەۆگەني فەدوروۆقا قاتىستى قارسىلىقتار ءدۇمپۋى سايابىرسيتىن ەمەس. ولاردىڭ قازاق جەرى تۋرالى مالىمدەمەلەرىنە بالقارلار مەن كاۆكازدىقتار نارازىلىق تانىتتى دەگەن اقپارات جالعان بولىپ شىققانمەن، قازاقستاندىق شەشەندەر ءۇنسىز قالا المادى، دەپ جازادى "ادىرنا" ۇلتتىق پورتالى paryz.kz. سايتىنا سىلتەمە جاساپ.
مەملەكەتتىك تىلدە ەركىن سويلەپ وتىرعان اقساقالدى وزگە جىگىتتەر دە ءبىراۋىزدان قولداپ، ۆيدەوۇندەۋ سوڭىندا "العا، قازاقستان!", ء"اردايىم بىرگەمىز!" دەپ ۇرانداتتى.
ولاردىڭ ۆيدەوسىن بەلسەندى مارعۇلان بورانباي ء"بىز قازاقپەن بىرگەمىز دەپ شەشەندەرىمىز وتىر" دەگەن تۇسىندىرمەسىمەن Facebook-تەگى پاراقشاسىنا جاريالادى.
"اسسالاۋماعالەيكۋم، قازاق حالقىنا! ءبىز اقتوبە وبلىسى تەمىر اۋدانىنىڭ ءشۇبارتۇپ دەگەن اۋىلىندا تۋىپ-وسكەن شەشەندەرمىز. نيكونوۆ، فەدوروۆ دەگەن ەشەكتەر ايتقان اڭگىمە ءۇشىن جينالىپ ەدىك. كەيبىر جىگىتتەر كەلە الماي قالدى. جۇمىستا، جولدا، شارۋالارمەن ءجۇر. بىراق، وزدەرىڭە سالەم ايت دەپ ەدى... ەكى ەشەكتىڭ اڭگىمەسىنە ءبىز ريزا ەمەسپىز. كىشكەنتاي كەزىمىزدەن قازاقتارمەن بىرگە ويناپ وستىك، بىرگە وقىدىق، بىرگە اسكەردە بولدىق، بىرگە جۇمىس ىستەدىك. وتە جاقسى ءومىر سۇرۋدەمىز. اناداي بولمايتىن نارسەلەر ءۇشىن ءبىز ۋايىمدايمىز. سەندەرمەن بىرگەمىز! جاردەم كەرەك بولىپ جاتسا، مىنا جىگىتتەر، تاعى باسقالارى سەندەرگە جاردەم بەرۋگە دايىنبىز!" - دەپ مالىمدەدى قازاقستاندىق قانداستارىن قاسىنا ۇيىستىرىپ وتىرعان شەشەن اقساقالى.
مەملەكەتتىك تىلدە ەركىن سويلەپ وتىرعان اقساقالدى وزگە جىگىتتەر دە ءبىراۋىزدان قولداپ، ۆيدەوۇندەۋ سوڭىندا "العا، قازاقستان!", ء"اردايىم بىرگەمىز!" دەپ ۇرانداتتى. دەمەك، بۇگىندە ەلىمىزدەگى ءتۇرلى دياسپورا وكىلدەرىنىڭ ەل باسىنا كۇن تۋعان زوبالاڭ شاقتاردا قازاق جەرىنە بوسىپ كەلگەندەرىندە، وزدەرى اش وتىرسا دا ءبىر ءتىلىم نانىن ءبولىپ بەرگەن جەرگىلىكتى ۇلت ءۇشىن جانىن بەرۋگە دايار ەكەنى انىق.
