Reseı Dýmasynyń depýtattary Vıacheslav Nıkonov pen Evgenıı Fedorovqa qatysty qarsylyqtar dúmpýi saıabyrsıtyn emes. Olardyń qazaq jeri týraly málimdemelerine balqarlar men kavkazdyqtar narazylyq tanytty degen aqparat jalǵan bolyp shyqqanmen, qazaqstandyq sheshender únsiz qala almady, dep jazady "Adyrna" ulttyq portaly paryz.kz. saıtyna silteme jasap.
Memlekettik tilde erkin sóılep otyrǵan aqsaqaldy ózge jigitter de biraýyzdan qoldap, vıdeoúndeý sońynda "Alǵa, Qazaqstan!", "Árdaıym birgemiz!" dep urandatty.
Olardyń vıdeosyn belsendi Marǵulan Boranbaı "Biz qazaqpen birgemiz dep sheshenderimiz otyr" degen túsindirmesimen Facebook-tegi paraqshasyna jarııalady.
"Assalaýmaǵaleıkým, qazaq halqyna! Biz Aqtóbe oblysy Temir aýdanynyń Shubartúp degen aýylynda týyp-ósken sheshendermiz. Nıkonov, Fedorov degen eshekter aıtqan áńgime úshin jınalyp edik. Keıbir jigitter kele almaı qaldy. Jumysta, jolda, sharýalarmen júr. Biraq, ózderińe sálem aıt dep edi... Eki eshektiń áńgimesine biz rıza emespiz. Kishkentaı kezimizden qazaqtarmen birge oınap óstik, birge oqydyq, birge áskerde boldyq, birge jumys istedik. Óte jaqsy ómir súrýdemiz. Anadaı bolmaıtyn nárseler úshin biz ýaıymdaımyz. Sendermen birgemiz! Járdem kerek bolyp jatsa, myna jigitter, taǵy basqalary senderge járdem berýge daıynbyz!" - dep málimdedi qazaqstandyq qandastaryn qasyna uıystyryp otyrǵan sheshen aqsaqaly.
Memlekettik tilde erkin sóılep otyrǵan aqsaqaldy ózge jigitter de biraýyzdan qoldap, vıdeoúndeý sońynda "Alǵa, Qazaqstan!", "Árdaıym birgemiz!" dep urandatty. Demek, búginde elimizdegi túrli dıaspora ókilderiniń el basyna kún týǵan zobalań shaqtarda qazaq jerine bosyp kelgenderinde, ózderi ash otyrsa da bir tilim nanyn bólip bergen jergilikti ult úshin janyn berýge daıar ekeni anyq.
