مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق پروتسەستە ازاماتتاردىڭ قۇقىقتارىن قورعاۋدى جانە سىبايلاس جەمقورلىققا قارسى ءىس-قيمىلدى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى, دەپ حابارلايدى "ادىرنا" ۇلتتىق پورتالى zakon.kz.-كە سىلتەمە جاساپ.
بۇل رەتتە قىلمىستىق كودەكسكە پارا الۋشى قۇقىق قورعاۋ ورگاندارىنىڭ قىزمەتكەرلەرىنە، سۋديالارعا، پارا بەرۋشىلەرگە، پارا دەلدالدارىنا جانە سىبايلاس جەمقورلىق قۇقىق بۇزۋشىلىقتارىنا قاتىستى جازانى قاتاڭداتۋ ماقساتىندا تۇزەتۋلەر ەنگىزىلدى.
سونىمەن قاتار، زاڭعا اۋىر جانە اسا اۋىر سىبايلاس جەمقورلىق قىلمىستارى ءۇشىن سوتتالعان ادامداردى شارتتى تۇردە مەرزىمىنەن بۇرىن بوساتۋ مۇمكىندىگىن جوياتىن تۇزەتۋلەر ەنگىزىلدى.
"سىبايلاس جەمقورلىققا قارسى كۇرەس تۋرالى" زاڭ مەملەكەتتىك قىزمەتكەرلەر، پارلامەنت دەپۋتاتتارى جانە سۋديالار ءۇشىن قاراستىرىلعان سىبايلاس جەمقورلىق قىلمىسى بويىنشا جاڭا شەكتەۋلەردى قامتيدى. قىلمىستىق پروتسەستىڭ باسەكەگە قابىلەتتىلىگى مەن اشىقتىعىن كۇشەيتۋگە باعىتتالعان نورمالار قابىلداندى.
زاڭ جوباسىنداعى شەتەلدىك بانكتەردە شوت سۇتاۋعا قاتىستى جاڭادان ەنگىزىلگەن شەكتەۋلەر تەك مەملەكەتتىك قىزمەتكەرلەرگە، پارلامەنت دەپۋتاتتارى مەن سۋديالارعا قاتىستى ەكەنىن ەسكەرتە كەتەلىك.
زاڭنىڭ تولىق ءماتىنى ءباسپاسوز بەتتەرىندە جاريالانادى.
