Memleket basshysy "Qazaqstan Respýblıkasynyń keıbir zańnamalyq aktilerine qylmystyq proeste azamattardyń quqyqtaryn qorǵaýdy jáne sybaılas jemqorlyqqa qarsy is-qımyldy kúsheıtý máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy, dep habarlaıdy "Adyrna" ulttyq portaly zakon.kz.-ke silteme jasap.
Bul rette Qylmystyq kodekske para alýshy quqyq qorǵaý organdarynyń qyzmetkerlerine, sýdıalarǵa, para berýshilerge, para deldaldaryna jáne sybaılas jemqorlyq quqyq buzýshylyqtaryna qatysty jazany qatańdatý maqsatynda túzetýler engizildi.
Sonymen qatar, zańǵa aýyr jáne asa aýyr sybaılas jemqorlyq qylmystary úshin sottalǵan adamdardy shartty túrde merziminen buryn bosatý múmkindigin joıatyn túzetýler engizildi.
"Sybaılas jemqorlyqqa qarsy kúres týraly" zań memlekettik qyzmetkerler, Parlament depýtattary jáne sýdıalar úshin qarastyrylǵan sybaılas jemqorlyq qylmysy boıynsha jańa shekteýlerdi qamtıdy. Qylmystyq proestiń básekege qabilettiligi men ashyqtyǵyn kúsheıtýge baǵyttalǵan normalar qabyldandy.
Zań jobasyndaǵy sheteldik bankterde shot sutaýǵa qatysty jańadan engizilgen shekteýler tek memlekettik qyzmetkerlerge, Parlament depýtattary men sýdıalarǵa qatysty ekenin eskerte ketelik.
Zańnyń tolyq mátini baspasóz betterinde jarııalanady.
