ءبىز وسى ۋاقىتقا دەيىن اقش-تى ينتەرنەت الەمىنىڭ كوشباسشىسى دەپ مويىنداپ كەلگەن بولاتىنبىز. قىتايدىڭ عالىمدارى مەن ساراپشىلارى ءاى سالاسىنىڭ ماڭىزدىلىعىن اسا تەرەڭ ۇقپاي كەلگەندىگىن ءتۇسىنىپ، وزدەرىنىڭ ينتەرنەت سالاسىنداعى جاڭا عاسىرىنىڭ تابالدىرىعىنا اتتادى. قىتايدىڭ جاساندى ينتەللەكت تەحنولوگيا سالاسىنىڭ عالىمدارى ادامنىڭ ميىنىڭ شەكسىز مۇمكىندىگىن پايدالانۋدى ءارى ميدىڭ جۇمىسىنىڭ شىڭىراۋىنداعى فۋنكتسيونالدى پروتسەسىنىڭ قىزمەتتەرىنە دەيىن قولدانۋعا بولاتىنىن جاقىندا دالەلدەدى. قىتايدىڭ ينتەرنەت ەراسى ارقىلى "جاساندى ينجەنەريا" عاسىرىنا ادامزات بالاسى اياق باسقالى تۇر. بۇدان الدىندا ءاى الگوريتمدەرىن جازاتىن ينجەنەرلەردىڭ ءىت سالاسىندا ءرولى مىقتى بولسا، قازىرگى ۋاقىتتا ۇلكەن اقپاراتتىق قورمەن جۇمىس جاساۋ تەحنولوگياسى العا وزىپ شىقتى.
قىتايدا جاساندى ينتەللەكت تەحنولوگياسىن دامتۋدىڭ ارنايى مەملەكەتتىك باعدارلاماسى دايىندالىپ، وعان 1,5 تريلليون اقش دوللارى ءبولىندى. ال، 2030 جىلعا قاراي قىتاي وكىمەتى جاساندى ينتەللەكت تەحنولوگياسىنا ينۆەستيتسيا سالۋ جاعىنان اقش-تى باسىپ وزىپ، تىزگىندى قولىنا العان ءبىرىنشى كوشباسشىعا اينالماق. 2030 جىلعا قاراي الەمدەگى جاساندى ينتەللەكت تەحنولوگياسىنان تۇسكەن تابىستىڭ 60 پايىزىنا دەيىن قىتايعا تيەسىلى بولۋى مۇمكىن.
الداعى ۋاقىتتا قىتايداعى تۇتاس الەۋمەتتىك اقپاراتتىق قامتاماسىز ەتۋ جۇيەلەرى مەن ولارعا كورسەتىلەتىن قىزمەت جاساندى تەحنولوگيامەن ىسكە اسىرىلادى. قازىردىڭ وزىندە ءومىر ونلاين كارتينانى كورسەتىپ كەلە جاتىر. قىتايدا قازىر 600 ميلليون كامەرا ورناتىلسا، ونىڭ ءاربىرى 3 سەكۋند ىشىندە ءاربىر ازاماتتىڭ جۇرگەنى مەن تۇرعانى بويىنشا دەرەكتەردى جازىپ بەرىپ وتىرادى ەكەن. ال، قىتايلىقتار مۇنى بولاشاقتا ءداستۇرلى ءارى قالىپتى جاعداي دەپ قابىلدايدى دەپ پايىمداپ جاتىر جاساندى ينتەللەكت سالاسىنىڭ ماماندارى.
زامان مۇلدەم جاڭا فورماتقا كوشىپ بارا جاتىر. وزگە جۇرت ايعا دا، مارسقا دا ساپار شەگىپ، ادامزات وركەنيەتىنىڭ وزگە فورماتىنا ءوتىپ، بىزگە باياعى ەرتەگى بولىپ كورىنگەن ءومىردى باسىنان كەشىرۋدە. از عانا مىسال ايتا كەتەيىن. قىتايلىق Xiaomi كومپانياسىنىڭ نەگىزىن قالاعان لەي تسزيۋن اقش-تاعى كرەمني جازىعىندا ءبىلىم العان، ءوزىنىڭ كاسىبىن دامىتىپ، «قىتايلىق ستۋدەنتتەر قاۋىمداستىعى» اتتى 40 ميلليون قولدانۋشىسى بار الەۋمەتتىك جەلىنى ويلاپ تاپتى. قازىر قىتايدا بۇل جەلىنى ۇلتتىق تەحنولوگيالىق برەند رەتىندە قارايدى. بۇل ازامات ودان باسقا بىرنەشە كومپانيا اشىپ تاستادى. ميللياردەر. ال، ءبىزدىڭ قانىمىزدان، ۇلتىمىزدان بولعان اقش-تاعى GOOGLEدە Senior Softwاre Engineer ستاتۋسىنا يە بولعان تۇڭعىش قازاقستاندىق دارىن يەسى عالىمجان ەتەۋليندى، GOOGLE دە قىزمەت ەتەتىن، ماسساسچۋسەتس تەحنولوگيالىق ۋنيۆەرسيتەتىنىڭ اقپارات سالاسى بويىنشا ەڭ ۇزدىك مامانى، جاپونياداعى دۇنيە جۇزىلىك ماتەماتيكا وليمپياداسىندا "التىن بالا" اتاعىن جەڭىپ العان قۋات ەسەنوۆتى، Facebooكتە ىستەيتىن تسۋكەربەرگتىڭ كومانداسىنداعى جالعىز قازاق قىزى اينۇر مۇراتوۆانى وزىمىزگە الىپ كەلىپ، وسى تىرلىكتى جاساساق بولماي ما...؟ قىتايلىقتار جاساپ جاتىر عوي. ءبىز ءوزى دارىندىلارىمىزدى، بارىمىزدى باعالامايتىن، قادىرلەمەيتىن قانداي ەلمىز؟ امال جوق، قانىڭ بۇرق بۇرق ەتىپ قاينايدى...
