Biz osy ýaqytqa deıin AQSh-ty ınternet áleminiń kóshbasshysy dep moıyndap kelgen bolatynbyz. Qytaıdyń ǵalymdary men sarapshylary AI salasynyń mańyzdylyǵyn asa tereń uqpaı kelgendigin túsinip, ózderiniń ınternet salasyndaǵy jańa ǵasyrynyń tabaldyryǵyna attady. Qytaıdyń jasandy ıntellekt tehnologııa salasynyń ǵalymdary adamnyń mıynyń sheksiz múmkindigin paıdalanýdy ári mıdyń jumysynyń shyńyraýyndaǵy fýnkıonaldy proesiniń qyzmetterine deıin qoldanýǵa bolatynyn jaqynda dáleldedi. Qytaıdyń ınternet erasy arqyly "jasandy ınjenerııa" ǵasyryna adamzat balasy aıaq basqaly tur. Budan aldynda AI algorıtmderin jazatyn ınjenerlerdiń IT salasynda róli myqty bolsa, qazirgi ýaqytta úlken aqparattyq qormen jumys jasaý tehnologııasy alǵa ozyp shyqty.
Qytaıda jasandy ıntellekt tehnologııasyn damtýdyń arnaıy memlekettik baǵdarlamasy daıyndalyp, oǵan 1,5 trıllıon AQSh dollary bólindi. Al, 2030 jylǵa qaraı Qytaı ókimeti jasandy ıntellekt tehnologııasyna ınvestıııa salý jaǵynan AQSh-ty basyp ozyp, tizgindi qolyna alǵan birinshi kóshbasshyǵa aınalmaq. 2030 jylǵa qaraı álemdegi jasandy ıntellekt tehnologııasynan túsken tabystyń 60 paıyzyna deıin Qytaıǵa tıesili bolýy múmkin.
Aldaǵy ýaqytta Qytaıdaǵy tutas áleýmettik aqparattyq qamtamasyz etý júıeleri men olarǵa kórsetiletin qyzmet jasandy tehnologııamen iske asyrylady. Qazirdiń ózinde ómir onlaın kartınany kórsetip kele jatyr. Qytaıda qazir 600 mıllıon kamera ornatylsa, onyń árbiri 3 sekýnd ishinde árbir azamattyń júrgeni men turǵany boıynsha derekterdi jazyp berip otyrady eken. Al, Qytaılyqtar muny bolashaqta dástúrli ári qalypty jaǵdaı dep qabyldaıdy dep paıymdap jatyr jasandy ıntellekt salasynyń mamandary.
Zaman múldem jańa formatqa kóship bara jatyr. Ózge jurt aıǵa da, Marsqa da sapar shegip, adamzat órkenıetiniń ózge formatyna ótip, bizge baıaǵy ertegi bolyp kóringen ómirdi basynan keshirýde. Az ǵana mysal aıta keteıin. Qytaılyq Xiaomi kompanııasynyń negizin qalaǵan Leı zıýn AQSh-taǵy Kremnıı jazyǵynda bilim alǵan, óziniń kásibin damytyp, «Qytaılyq stýdentter qaýymdastyǵy» atty 40 mıllıon qoldanýshysy bar áleýmettik jelini oılap tapty. Qazir Qytaıda bul jelini ulttyq tehnologııalyq brend retinde qaraıdy. Bul azamat odan basqa birneshe kompanııa ashyp tastady. Mıllıarder. Al, bizdiń qanymyzdan, ultymyzdan bolǵan AQSh-taǵy GOOGLEde Senior Software Engineer statýsyna ıe bolǵan tuńǵysh qazaqstandyq daryn ıesi Ǵalymjan Eteýlındi, GOOGLE de qyzmet etetin, Massaschýsets tehnologııalyq ýnıversıtetiniń aqparat salasy boıynsha eń úzdik mamany, Japonııadaǵy dúnıe júzilik matematıka olımpıadasynda "Altyn bala" ataǵyn jeńip alǵan Qýat Esenovti, Facebookte isteıtin ýkerbergtiń komandasyndaǵy jalǵyz qazaq qyzy Aınur Muratovany ózimizge alyp kelip, osy tirlikti jasasaq bolmaı ma...? Qytaılyqtar jasap jatyr ǵoı. Biz ózi daryndylarymyzdy, barymyzdy baǵalamaıtyn, qadirlemeıtin qandaı elmiz? Amal joq, qanyń burq burq etip qaınaıdy...
