قوناەۆتى بۇگىن كوپ جامانداپ كەتتى. قوناەۆ كسرو-نىڭ تەمىر شىنجىرىندا وتىرىپ كوپ ءىس تىندىردى. سول قوناەۆتىڭ كەزىندەگى زاۋىت-فابريكالاردى، اۋىل جانە مال شارۋاشىلىعىن ساقتاعاندا ۇتاتىن ەدىك. قوناەۆتىڭ كەزىندەگى شاعىن قالالار مەن اۋىلداردى دا ساقتاي المادىق. ورىس مەكتەپتەرىن اشتى، ورىستاندىردى دەيدى. ەگەر بالاڭدى قازاققا بەرەمىن، مەكتەپ كەرەك دەسە قازاقتار قايدا قالدى؟! قازىردىڭ وزىندە بالامدى ورىسقا بەرەمىن دەپ سەلكىلدەپ جۇرگەن قازاققا دا قوناەۆ كىنالى مە؟ قوناەۆتىڭ ۋاقىتى مەن تاۋەلسىز مەملەكەت بولىپ وتىرعان قازىرگى ۋاقىتتى سالىستىرۋعا بولماس. گرۋزيندەر جاپپاي كوشەگە شىعىپ گرۋزين ءتىلىن ساقتاپ قالدى سول قىلىشتان قانى تامعان كوممۋنيستەر ۋاقىتىندا. كوشەگە شىعۋدى ۇيىمداستىرعان رەجيسسەر ايەل ەكەن. ال ءبىزدىڭ رەجيسسەر، اقىن-جازۋشى، مەم.قىزمەتكەرلەردىڭ قايسىسى بالاسىنا قازاق مەكتەبىن ىزدەدى، قايسىسىنىڭ بالاسى قازاقشا سويلەيدى؟ قوناەۆتىڭ ارۋاعىن مازالاي بەرمەي ءدال قازىر ورىس ءتىلدى وتباسىڭدى قازاق تىلىنە كوشىرۋ جايىن ويلاعانىڭ ءجون بولار، قوناەۆتى جامانداۋشى جان.
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз