پيلوتسىز ۇشۋ اپپاراتتارىن پايدالانۋ بويىنشا ترەنينگ وتكىزىلدى

1545
Adyrna.kz Telegram

توتەنشە جاعداي ول اتى ايتىپ تۇرعانداي توتەسىنەن، كۇتپەگەن جەردەن بولادى. ادامزات كوبىنە تابيعاتتىڭ توسىن مىنەزىنە دايىن بولماي جاتادى. ارينە، توتەنشە جاعدايلاردى بولدىرماۋ نەمەسە الدىن –الۋ ءۇشىن دە جۇمىستار جۇرگىزىلەدى.  ماماندار وزدەرىندە بار اقپاراتقا سۇيەنە وتىرىپ ەسكەرتۋلەر دە جاسايدى. ول ەسكەرتۋلەر ارينە ءسىز بەن ءبىزدىڭ قاۋىپسىزدىگىمىز ءۇشىن، ءسىز بەن ءبىزدىڭ اماندىعىمىز ءۇشىن جاسالادى.  توتەنشە جاعدايلاردان كەلەتىن زارداپتى ازايتۋ بارىسىندا دا ءبىراز كۇش جۇمسالىپ، ارنايى ورگاندار مەن ۇيىمدار دا قۇرالادى. سونداي ۇيىمداردىڭ ءبىرى «توتەنشە جاعدايلار جانە دۇلەي ءزىلزالالاردىڭ قاۋىپ- قاتەرىن ازايتۋ جونىندەگى ورتالىق».

ورتالىقتى نەگىزىنەن حالىقارالىق دەپ تە ايتۋعا بولادى. ءبىزدىڭ ەلىمىز دە وسى ورتالىقتىڭ قۇرىلتايشىسى بولىپ وتىر.

بۇل ورتالىق - تۇراقتى جۇمىس ىستەيتىن ۇكىمەتارالىق ورگان، توتەنشە جاعدايلار قاۋپىن ازايتۋدىڭ، زارداپتاردى جەڭىلدەتۋدىڭ ءتيىمدى تەتىكتەرىن قامتاماسىز ەتۋ، تاراپتاردىڭ كەلىسىلگەن شارالارىنىڭ كومەگىمەن بىرلەسىپ دەن قويۋدى ۇيىمداستىرۋ، وڭىرلىك جانە حالىقارالىق ىنتىماقتاستىقتى ىنتالاندىرۋ ءۇشىن قۇرىلعان حالىقارالىق ۇيىم.

ورتالىقتىڭ نەگىزگى مىندەتتەرى: اپات قاۋپىن تومەندەتۋ، توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىقتى دامىتۋ، تابيعي اپاتتاردىڭ قاۋىپ فاكتورلارىن تومەندەتۋ، توتەنشە جاعدايلاردىڭ قاۋىپتىلىگىن انىقتاۋ، باعالاۋ، بولجاۋ جانە مونيتورينگ، بىرلەسكەن كۇش-جىگەردى ۇيلەستىرۋ جانە توتەنشە جاعدايلارعا ءتيىمدى جانە ۋاقتىلى دەن قويۋعا ازىرلىكتى ارتتىرۋ، وبك جانە توتەنشە جاعدايلاردى باسقارۋ سالاسىندا وڭىرلىك جانە حالىقارالىق ىنتىماقتاستىقتى جۇزەگە اسىرۋ، تابيعي جانە تەحنوگەندىك سيپاتتاعى توتەنشە جاعدايلار كەزىندە حالىقتىڭ تىرشىلىك ەتۋ قاۋىپسىزدىگىن ارتتىرۋ، اپاتتار قاۋپىن ازايتۋ، بىرلەسكەن حالىقارالىق جوبالاردى ازىرلەۋ جانە ىسكە اسىرۋ ءۇشىن حالىقارالىق جانە كوممەرتسيالىق ەمەس ۇيىمداستىرۋ گرانتتارىن تارتۋ، ءزىلزالالار تاۋەكەلىن تومەندەتۋ، توتەنشە جاعدايلاردى بولدىرماۋ جانە جويۋ سالاسىنداعى حالىقارالىق جانە وزگە دە باعدارلامالاردى ىسكە اسىرۋ.

اتالعان ورتالىق تاراپىنان  جوعارىدا اتالىپ وتكەن مىندەتتەردى ورىنداۋ ماقساتىندا،  ورتالىققا مۇشە ەلدەردە توتەنشە جاعدايلاردىڭ الدىن – الۋ، ولاردىڭ  زارداپتارىمەن كۇرەسۋ سىندى تابيعي جانە تەحنوگەندىك توتەنشە جاعدايلار بويىنشا  جينالىستار، ترەنينگتەر جانە باسقا دا ءىس-شارالار اتقارىلىپ جاتادى.  سولاردىڭ ءبىرى   ءبىزدىڭ ەلدىڭ توتەنشە جاعدايلار مينيسترلىگىنىڭ ماماندارى ءۇشىن وسى جىلى قازان ايىندا وتكەن  ترەنينگ بولاتىن.

ورتالىقتىڭ رەسمي سايتىندا حابارلانعانداي، 2020 جىلعى 20-23 قازان كەزەڭىندە ورتالىق پەن بىرىككەن ۇلتتار ۇيىمى  بالالار قورىنىڭ (يۋنيسەف) "اۋماقتار مەن حالىقتىڭ قاۋىپسىزدىگىن قامتاماسىز ەتۋ ماقساتىندا پيلوتسىز اۆياتسيانى دامىتۋ" جوباسىن ىسكە اسىرۋ شەڭبەرىندە توتەنشە جاعدايلار جانە دۇلەي ءزىلزالالاردىڭ قاۋپىن ازايتۋ ورتالىعى،  ونىڭ ىشىندە 2020 جىلعا ارنالعان "توتەنشە جاعدايلار مەن اپاتتاردان وسال توپتار"  تاقىرىبىندا تاراز قالاسىندا تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جانە جويۋ مۇددەسىندە پيلوتسىز ۇشۋ اپپاراتتارىن پايدالانۋ بويىنشا ەلىمىزدىڭ وڭتۇستىك ءوڭىرىنىڭ قازاقستان رەسپۋبليكاسى توتەنشە جاعدايلار مينيسترلىگىنىڭ ماماندارى ءۇشىن كەزەكتى ترەنينگ وتكىزىلدى.

ترەنينگتىڭ ناتيجەسى ۇشقىشسىز ۇشۋ اپپاراتتارىن باسقارۋعا، جوعارى ساپالى ورتوفوتوپلانداردى، عيماراتتاردىڭ ءۇش ولشەمدى مودەلدەرىن، جەرگىلىكتى جەر مەن رەلەفتىڭ تسيفرلىق مودەلدەرىن، بيىكتىك كارتالارىن جاساۋعا 4 وڭىردەن قازاقستان رەسپۋبليكاسى توتەنشە جاعدايلار مينيسترلىگىنىڭ ماماندارىن دايارلاۋ بولدى.

پىكىرلەر