Tótenshe jaǵdaı ol aty aıtyp turǵandaı tótesinen, kútpegen jerden bolady. Adamzat kóbine tabıǵattyń tosyn minezine daıyn bolmaı jatady. Árıne, tótenshe jaǵdaılardy boldyrmaý nemese aldyn –alý úshin de jumystar júrgiziledi. Mamandar ózderinde bar aqparatqa súıene otyryp eskertýler de jasaıdy. Ol eskertýler árıne siz ben bizdiń qaýipsizdigimiz úshin, siz ben bizdiń amandyǵymyz úshin jasalady. Tótenshe jaǵdaılardan keletin zardapty azaıtý barysynda da biraz kúsh jumsalyp, arnaıy organdar men uıymdar da quralady. Sondaı uıymdardyń biri «Tótenshe jaǵdaılar jáne dúleı zilzalalardyń qaýip- qaterin azaıtý jónindegi ortalyq».
Ortalyqty negizinen halyqaralyq dep te aıtýǵa bolady. Bizdiń elimiz de osy ortalyqtyń quryltaıshysy bolyp otyr.
Bul ortalyq - turaqty jumys isteıtin úkimetaralyq organ, tótenshe jaǵdaılar qaýpin azaıtýdyń, zardaptardy jeńildetýdiń tıimdi tetikterin qamtamasyz etý, taraptardyń kelisilgen sharalarynyń kómegimen birlesip den qoıýdy uıymdastyrý, óńirlik jáne halyqaralyq yntymaqtastyqty yntalandyrý úshin qurylǵan halyqaralyq uıym.
Ortalyqtyń negizgi mindetteri: apat qaýpin tómendetý, tótenshe jaǵdaılardyń aldyn alý jáne olardy joıý salasyndaǵy yntymaqtastyqty damytý, tabıǵı apattardyń qaýip faktorlaryn tómendetý, tótenshe jaǵdaılardyń qaýiptiligin anyqtaý, baǵalaý, boljaý jáne monıtorıng, birlesken kúsh-jigerdi úılestirý jáne tótenshe jaǵdaılarǵa tıimdi jáne ýaqtyly den qoıýǵa ázirlikti arttyrý, ÓBK jáne tótenshe jaǵdaılardy basqarý salasynda óńirlik jáne halyqaralyq yntymaqtastyqty júzege asyrý, tabıǵı jáne tehnogendik sıpattaǵy tótenshe jaǵdaılar kezinde halyqtyń tirshilik etý qaýipsizdigin arttyrý, apattar qaýpin azaıtý, birlesken halyqaralyq jobalardy ázirleý jáne iske asyrý úshin halyqaralyq jáne kommerııalyq emes uıymdastyrý granttaryn tartý, zilzalalar táýekelin tómendetý, tótenshe jaǵdaılardy boldyrmaý jáne joıý salasyndaǵy halyqaralyq jáne ózge de baǵdarlamalardy iske asyrý.
Atalǵan Ortalyq tarapynan joǵaryda atalyp ótken mindetterdi oryndaý maqsatynda, ortalyqqa múshe elderde tótenshe jaǵdaılardyń aldyn – alý, olardyń zardaptarymen kúresý syndy tabıǵı jáne tehnogendik tótenshe jaǵdaılar boıynsha jınalystar, trenıngter jáne basqa da is-sharalar atqarylyp jatady. Solardyń biri bizdiń eldiń Tótenshe jaǵdaılar mınıstrliginiń mamandary úshin osy jyly qazan aıynda ótken trenıng bolatyn.
Ortalyqtyń resmı saıtynda habarlanǵandaı, 2020 jylǵy 20-23 qazan kezeńinde ortalyq pen Birikken Ulttar Uıymy Balalar qorynyń (IýNISEF) "aýmaqtar men halyqtyń qaýipsizdigin qamtamasyz etý maqsatynda pılotsyz avıaııany damytý" jobasyn iske asyrý sheńberinde tótenshe jaǵdaılar jáne dúleı zilzalalardyń qaýpin azaıtý ortalyǵy, onyń ishinde 2020 jylǵa arnalǵan "Tótenshe jaǵdaılar men apattardan osal toptar" taqyrybynda Taraz qalasynda tabıǵı jáne tehnogendik sıpattaǵy tótenshe jaǵdaılardyń aldyn alý jáne joıý múddesinde pılotsyz ushý apparattaryn paıdalaný boıynsha elimizdiń ońtústik óńiriniń Qazaqstan Respýblıkasy Tótenshe jaǵdaılar mınıstrliginiń mamandary úshin kezekti trenıng ótkizildi.
Trenıngtiń nátıjesi ushqyshsyz ushý apparattaryn basqarýǵa, joǵary sapaly ortofotoplandardy, ǵımarattardyń úsh ólshemdi modelderin, jergilikti jer men releftiń ıfrlyq modelderin, bıiktik kartalaryn jasaýǵa 4 óńirden Qazaqstan Respýblıkasy Tótenshe jaǵdaılar mınıstrliginiń mamandaryn daıarlaý boldy.
