ءتورتىنشى ون جىلدىقتا ءبىزدى جاڭا مىندەتتەر كۇتىپ تۇر - مەملەكەت باسشىسى

2037
Adyrna.kz Telegram

وتكەن ءاربىر ون جىلدىق اتقارعان ميسسياسى تۇرعىسىنان عاسىردىڭ جۇگىن ارقالاپ تۇر. بۇل تۋرالى تاۋەلسىزدىك كۇنى قارساڭىندا وتكەن مەملەكەتتىك ناگرادالاردى تاپسىرۋ راسىمىندە قر پرەزيدەنتى قاسىم-جومارت توقاەۆ ايتتى، دەپ حابارلايدى قازاقپارات ءتىلشىسى.

«وتكەن ءاربىر ون جىلدىق اتقارعان ميسسياسى تۇرعىسىنان عاسىردىڭ جۇگىن ارقالاپ تۇر. العاشقى ون جىلدىق ەگەمەن قازاقستاننىڭ ءوز دەربەستىگىن قالىپتاستىرۋ كەزەڭى بولدى. ەكىنشى ون جىلدىقتا ەلىمىز تۇعىرىن نىقتاپ، كەرەگەسىن كەڭەيتىپ، ىرگەسىن بەكىتتى. ءۇشىنشى ون جىلدىقتا مەملەكەتىمىز شىن مانىندە، كەمەلىنە كەلىپ، الەمدىك ساياساتتىڭ تورىنە وزدى. الداعى ءتورتىنشى ون جىلدىقتا ءبىزدى جاڭا مىندەتتەر كۇتىپ تۇر. ەلىمىزدى ىلگەرى دامىتىپ، ءاربىر ازاماتتىڭ لايىقتى تۇرمىسىن قامتاماسىز ەتۋىمىز كەرەك»، - دەدى قاسىم-جومارت توقاەۆ.

قر پرەزيدەنتىنىڭ پايىمىنشا، ونى جۇزەگە اسىرۋدىڭ باستى جولى – ءتيىمدى باسقارۋ جۇيەسى.

«مەن جولداۋىمدا مەملەكەتتىك باسقارۋدىڭ جاڭا ۇلگىسىنە باسا ءمان بەرگەنىمدى بىلەسىزدەر. وسىعان وراي، كوپتەگەن ناقتى شارالار اتقارىلۋدا. جالپى، جاڭعىرۋدىڭ جان-جاقتى بولعانى ءجون. بۇكىل حالقىمىز زامان اعىمىنا ىلەسە بىلۋگە ءتيىس. وزگەرىستەرگە بەيىمدەلە الاتىن جۇرت قانا ۋاقىت تىنىسىن ءدوپ باسادى. ءبىز ءبىلىمدى ءارى بىلىكتى، ۇقىپتى جانە جاۋاپتى، ىسكەر دە ەڭبەكقور جۇرت بولۋىمىز قاجەت. بۇل – ۇلى اباي ايتقانداي، «تولىق ادامنىڭ» ايقىن كورىنىسى. وعان قوسا، اركىمنىڭ جەكە قاسيەتى مەن ماقساتى ەلدىك مۇددەمەن تىعىز استاسىپ، پاتريوتيزمگە ۇلاسۋى كەرەك. سوندا عانا مەملەكەتشىلدىك يدەياسى باستى قۇندىلىققا اينالادى»، - دەدى مەملەكەت باسشىسى.

پىكىرلەر