اقتاۋدا ۇشاقتان اۋرۋحاناعا جەتكىزىلگەن ءسابي كوز جۇمدى

2589
Adyrna.kz Telegram

30 قاراشادا ۇشاق بورتىنان شۇعىل اۋرۋحاناعا جەتكىزىلگەن 6 ايلىق ءسابي اقتاۋدا كوز جۇمدى، دەپ حابارلايدى "ادىرنا" ۇلتتىق ءپورتالىى ماڭعىستاۋ وبلىسىنىڭ دەنساۋلىق ساقتاۋ باسقارماسىنا سىلتەمە جاساپ.

30 قاراشا كۇنى بۇل قالادان ىستامبۇلعا بەت العان ۇشاق بالانىڭ دەنساۋلىق جاعدايىنا بايلانىستى قايتادان كەرى قونعان ەدى. بالاقايعا وكپەسى قابىنعان دەگەن دياگنوز قويىلىپ، دەرەۋ جانساقتاۋ بولىمىنە جاتقىزىلعان. ونىڭ دەنە قىزۋى ءۇش كۇن بويى تۇسپەگەن جانە اعزاسىنان قوسىمشا سەپسيس، اۋىر تۇردەگى قايتالاما ەنتسەفاليت بەلگىلەرى انىقتالعان.

اتالعان مەكەمە وكىلدەرى «بالا پوليورگاندى جەتىسپەۋشىلىك سالدارىنان 2 جەلتوقسان كۇنى قايتىس بولدى»، - دەپ حابارلادى.

«SCAT» اۋەكومپانياسىنىڭ قوعاممەن بايلانىس ءبولىمىنىڭ باسشىسى ۆيكتوريا ستاروجيلوۆانىڭ ايتۋىنشا، بورتتا بولعان بالا ءوزىن ناشار سەزىنگەن.

پىكىرلەر