«اق جول» پارتياسىنىڭ رەسپۋبليكالىق سايلاۋالدى شتابىنىڭ وتىرىسى ءوتتى دەپ حابارلايدى «ادىرنا» ۇلتتىق پورتالى پارتيانىڭ ءباسپاسوز قىزمەتىنە سىلتەمە جاساپ.
ايتا كەتەيىك، 2020 جىلدىڭ 3 قاراشاسىندا رەسپۋبليكالىق جانە پارتيانىڭ بارلىق فيليالدارىندا وسىنداي ايماقتىق شتابتار قۇرىلدى. رەسپۋبليكالىق شتابتىڭ باسشىسى - ازات پەرۋاشەۆ، ال بولات وتەپباەۆ پەن ايگۇل جۇماباەۆا ورىنباسارلارى بولىپ تاعايىندالدى. شتابقا ورتالىق اپپاراتتىڭ بارلىق جاۋاپتى قىزمەتكەرلەرى كىردى. سايلاۋ الدىنداعى قۇرىلتايدان كەيىن شتاب قۇرامىنا پارتيالىق تىزىمدەگى كانديداتتار دا ەنگىزىلدى.
وتىرىس بارىسىندا ازات پەرۋاشەۆ شتابتىڭ قازىرگى ۇيىمداستىرۋشىلىق جۇمىسى تۋرالى ايتىپ بەردى. باق-پەن كەلىسىم-شارتتار جاسالىپ، ۇگىت-ناسيحات ماتەريالدارىنىڭ جەتكىلىكتى سانى دايىندالىپ، باسىپ شىعارىلدى جانە ەل وڭىرلەرىندە 317 باننەر ورناتىلدى.
«ءىس-شارالاردىڭ جەلىلىك كەستەسى ەپيدەميولوگيالىق جاعدايعا بايلانىستى اپتا سايىن جاڭارتىلىپ، تۇزەتىلىپ وتىرادى. قازىرگى ۋاقىتتا سەنىمدى تۇلعالاردىڭ ءتىزىمىن تىركەۋ بويىنشا بەلسەندى جۇمىس جۇرگىزىلۋدە، كەشە شتاب وسى ماسەلە بويىنشا كەڭەس وتكىزدى»، - دەپ اتاپ ءوتتى ول.
ازات پەرۋاشەۆ ارىپتەستەرىن ۇگىت-ناسيحات شارالارىن جۇرگىزۋ كەزىندە باس سانيتارلىق دارىگەردىڭ بارلىق نۇسقاۋلارىن مۇلتىكسىز ساقتاۋعا شاقىردى.
