2020 jyldyń 8 jeltoqsanynda Qyzylorda oblysynyń Aral aýdanynda Qamystybas aýylynan 35 shaqyrym jerde Qambash kólinde «ÝAZ» markaly avtokólik muz astyna túsip ketken.
Bul týraly «Adyrna» ulttyq portalyna Qazaqstan Respýblıkasynyń Tótenshe jaǵdaılar mınıstriliginiń resmı ókili habarlady.
Avtokólik salonynda 7 adam bolǵan. Onyń 3-eýi kólikten ózderi shyǵyp úlgergen. Qutqarýshylar sýǵa batyp ketken 1985, 1981, 1994, 1973 jyly týǵan 4 adamdy izdestirdi. Biraq túngi ýaqytta izdestirý jumystary toqtatylǵan. Búgin, ıaǵnı 2020 jyldyń 9 jeltoqsanynda tańerteń izdeý jumystary qaıta jalǵastyryldy.
Izdestirý jumystary barysynda 7 metr tereńdikte (muzdyń qalyńdyǵy 25 sm) ÝAZ avtokóligi tabyldy. Avtokóliktiń ishinde qaıtys bolǵan adamdardyń deneleri bar. Qutqarýshylar qaza tapqan 4 adamnyń máıitin polıııa qyzmetkerlerine tapsyrdy.
Izdestirý jumystaryna Qyzylorda oblysy TJ departamentiniń, Polıııa departamentiniń, jergilikti atqarýshy organdardyń kúshteri men quraldary jáne týystary bar barlyǵy 27 adam, 7 birlik tehnıka jumyldyryldy.
«Adyrna» ulttyq portaly
