8 جەلتوقساندا ەرەۆاندا پرەمەر-مينيستر نيكول پاشينياننىڭ وتستاۆكاسىن تالاپ ەتكەن وپپوزيتسيا جاقتاستارى كوشەلەردى جاۋىپ، جول قوزعالىسىن توقتاتتى. ولار پرەمەر-ءمينيستردى قىزمەتىنەن كەتىرۋ ءۇشىن "ازاماتتىق باعىنباۋ" كامپانياسىن باستاعانىن حابارلايدى «ادىرنا» ۇلتتىق پورتالى ازاتتىققا سىلتەمە جاساپ.
وتكەن ايدىڭ باسىندا ارمەنيا تاۋلى قاراباقتاعى قاقتىعىسقا بايلانىستى ازەربايجانمەن كەلىسىم جاساسىپ, تاۋلى قاراباقتاعى 7 اۋداندى قايتارعان. كەلىسىم شارتقا نارازىلار سودان بەرى پاشينيان وتستاۆكاسىن تالاپ ەتىپ كەلەدى. بىرنەشە كۇن بۇرىن 16 وپپوزيتسيالىق پارتيا پاشينيانعا 8 جەلتوقسان كۇندىزگى ساعات 12-گە دەيىن قىزمەتىنەن كەتۋگە ۋاقىت بەرگەن ەدى. پرەمەر-مينيستر تالاپتى ورىنداماعان سوڭ وپپوزيتسيا نارازىلىعى كۇشەيگەن.
سەيسەنبى كۇنى “نيكول، ساتقىن”، “نيكولسىز ارمەنيا” دەپ ايقايلاعان دەمونسترانتتار ەرەۆان كوشەلەرى مەن مەترو جولدارىن جاپتى. پوليتسيا نارازىلاردى ۇستادى. نارازىلىق ارمەنيانىڭ گيۋمري، ۆانادزور سەكىلدى تاعى دا باسقا قالالارىندا دا وتكەن.
"نيكول پاشينيان وتستاۆكاعا كەتپەدى. سوندىقتان ارمەنيا ازاماتتارىنىڭ بەيبىت تۇردە ازاماتتىق مويىنسۇنباۋ كامپانياسىن وتكىزىپ، تالاپ قويۋعا قۇقىقتارى بار" دەدى 16 پارتيادان قۇرالاتىن "وتاندى قۇتقارۋ مايدانى" قوزعالىسىنىڭ مۇشەسى يشحان ساگاتەليان.
ول قاۋىپسىزدىك كۇشتەرىن پاشينيان بۇيرىقتارىن ورىنداماۋعا جانە حالىققا قارسى كۇش قولدانباۋعا شاقىرعان.
فوتو اشىق دەرەككوزدەن الىندى.
