ازىق-تۇلىك تاۋارلارىنا باعا يندەكسى 2020 جىلعى قاراشادا 101,3% قۇرادى. بۇل تۋرالى ستاتيستيكا كوميتەتى حابارلادى.
نان ونىمدەرى جانە جارمالار، ەت، بالىق جانە تەڭىز ونىمدەرى، ءسۇت ونىمدەرى، جۇمىرتقا، ماي جانە توڭماي، قانت، كونديتەرلىك ونىمدەر، الكوگولسىز سۋسىندار جانە الكوگولدى ىشىمدىكتەر قىمباتتادى، ال جاڭا جينالعان جەمىستەر ارزاندادى.
2020 جىلعى قاراشادا ءسۇت ونىمدەرى توبىندا مايەكتى ىرىمشىككە ورتاشا باعا كيلوگرامىنا 3060 تەڭگەنى (2019 جىلعى قاراشادا – 2742 تەڭگە), سۇزبەگە – 1671 تەڭگەنى (1592 تەڭگە), قايماققا – 1171 تەڭگەنى (1102 تەڭگە), ايرانعا – 312 تەڭگەنى (293 تەڭگە), پاستەرلەنگەن سۇتكە 269 تەڭگەنى (250 تەڭگە) قۇرادى.
سارى مايدىڭ ورتاشا باعاسى 2020 جىلعى قاراشادا كيلوگرامىنا 2673 تەڭگەنى (2019 جىلعى قاراشادا 2345 تەڭگەنى), كۇنباعىس مايى – 533 تەنگە (434 تەڭگە), جۇمىرتقاعا – 337 تەڭگەنى (288 تەڭگە), قۇمشەكەر – 245 تەڭگە (199 تەڭگە) قۇرادى.
2020 جىلعى قاراشادا كوكونىس ونىمدەرى توبىندا سابىزگە ورتاشا باعاسى كيلوگرامىنا 111 تەڭگەنى (2019 جىلعى قاراشادا – 102 تەڭگە), كارتوپقا – 111 تەڭگەنى (97 تەڭگە), باستى پيازعا – 83 تەڭگەنى (86 تەڭگە), اق قاۋداندى قىرىققاباتقا 86 تەڭگەنى (105 تەڭگە) قۇرادى.
قاراشاداعى ازىق-تۇلىك تاۋارلارىنىڭ جەكەلەگەن تۇرلەرىنە ورتاشا باعالار
كەلىسى تەڭگەمەن
