سۋ ايدىندارىندا بالىقشىلاردىڭ قازا بولۋ جاعدايلارى جيىلەپ كەتتى

2108
Adyrna.kz Telegram

اڭ جانە بالىق اۋلاۋ ماۋسىمى باستالعاننان بەرى (2020 جىلعى 1 قازان-22 قاراشا) ەلدىڭ سۋ ايدىندارىندا 12 ادام، ونىڭ ىشىندە 1 بالا قازا تاپتى. بۇل تۋرالى قازاقستان رەسپۋبليكاسى توتەنشە جاعداي مينيسترلىگىنىڭ  رەسمي وكىلى تالعات ءۋالي حابارلادى.

توتەنشە جاعدايلار مينيسترلىگىنىڭ  اۋماقتىق بولىمشەلەرى سۋ ايدىنداردا ادامداردىڭ (بالىقشىلاردىڭ) قازا بولۋىنىڭ الدىن الۋ بويىنشا رەيدتىك پروفيلاكتيكالىق ءىس-شارالار وتكىزەدى. رەيد بارىسىندا بالىق اۋلاۋ كەزىندەگى قاۋىپسىزدىك شارالارىن ساقتاۋ تۋرالى اقپاراتتىق جادىنامالار تاراتىلدى.

بالىق اۋلاۋ كەزىندەگى ەرەجەلەردىڭ ساقتالماۋىنان  11 ادام قازا تاپتى جانە ەرەسەك ادامداردىڭ قاراۋىنسىز قالعان 1 بالا ابايسىزدا سۋعا قۇلاپ مەرت بولدى.

2020  جىلى اقمولا، الماتى، قوستاناي، قىزىلوردا، ماڭعىستاۋ، تۇركىستان وبلىستارىنىڭ سۋ ايدىندارىندا قازا بولعاندار تىركەلدى.
مىسالى،  وتكەن كۇز-قىس ماۋسىمىندا (2019 جىلعى 1 قازاننان باستاپ 2020 جىلعى 1  ناۋرىزعا دەيىن) ەلىمىزدىڭ سۋ ايدىندارىندا بالىق اۋلاۋ كەزىندە قاۋىپسىزدىك ەرەجەلەرىن بۇزۋ سالدارىنان، سونداي-اق مۇز وتكەلدەرى ارقىلى ءوتۋ كەزىندە 37 ادام (ونىڭ ىشىندە 10 بالا) قازا بولدى.

ادامداردىڭ قازا بولۋىنىڭ نەگىزگى سەبەپتەرىنە توقتالساق، 19 ادام بالىق اۋلاۋ كەزىندە جاعالاۋدان نەمەسە ءجۇزۋ قۇرالدارىنان ابايسىزدا سۋعا قۇلاپ قازا بولعان، 7 ادام بالىق اۋلاپ ءجۇرىپ مۇز استىنا ءتۇسىپ كەتىپ اجال قۇشقان، 8 بالا ويناپ ءجۇرىپ مۇز استىنا قۇلاپ، قازا بولسا 2 بالا سۋعا قۇلاپ كوز جۇمعان، 1 ادام مۇز وتكەلدەرىنەن ءوتۋ كەزىندە قۇلاپ قازا  تاپقان.
وڭىرلەر بويىنشا الىپ قاراساق، قازا بولعاندار اقمولا، اتىراۋ، الماتى، اقتوبە، شىعىس-قازاقستان، جامبىل، باتىس-قازاقستان، قوستاناي، قاراعاندى،  سولتۇستىك قازاقستان وبلىستارىنىڭ جانە الماتى قالاسىنىڭ سۋ ايدىندارىندا تىركەلگەن.

 

وسىنداي قايعىلى وقيعالار بولماس ءۇشىن تۇرعىنداردى سۋ ايدىندارىندا، قىس مەزگىلىندە ەڭ الدىمەن قاۋىپسىزدىك شارالارىن قاتاڭ ساقتاۋعا شاقىرامىز. بىرىنشىدەن قاراڭعى كەزدە جانە اينالا  ناشار كورىنەتىن تۇماندى اۋا رايىندا مۇز ۇستىنە شىقپاعان ءجون، ەكىنشىدەن  جۇقا جانە قاتتى قاتپاعان مۇزعا شىعۋعا بولمايدى، ۇشىنشىدەن مۇزدىڭ بەلگىلى ءبىر جەكەلەگەن اۋماقتارىندا توپ بولىپ جينالۋعا بولمايدى، تورتىنشىدەن مۇز ۇستىندەگى شۇڭقىرلارعا، جارىقتارعا، ويىقتارعا جاقىنداۋعا بولمايدى، اۆتوكولىكپەن وتكەلى جوق جەرلەرمەن جۇرۋگە بولمايدى. وسىنداي اربىرەۋىمىزدىڭ قولىمىزدان كەلەتىن قاراپايىم عانا ساقتىق شارالارىنا باعىنۋ ارقىلى، ءوز ءومىرىمىزدى قاۋىپتەن، قايعىلى وقيعادان قۇتقارامىز.

سۋداعى  نەمەسە مۇزداعى  وقيعالار كوبىنەسە ادامنىڭ ءوز-وزىنە سەنۋ، ءوز كۇشتەرى مەن مۇمكىندىكتەرىن قايتا باعالاۋ، سۋداعى (مۇزداعى) قاراپايىم ەرەجەلەردى ەلەمەۋ سالدارىنان ورىن الىپ جاتادى ەكەن.

                                                    ەركە جومارت،

«ادىرنا» ۇلتتىق پورتالى

پىكىرلەر