سونىمەن سۋپەردەرجاۆا اقش حالقى تاڭداۋىن جاساپ، بيلىگىن اۋىستىردى..
مۇنىڭ قازاقستانعا قانداي اسەرى بولماق؟
الدىمىزداعى قاڭتار ايىندا الەمدىك ساياساتتىڭ ىرگەتاسى قۇيىلاتىن اق ۇيدەگى «بارىنەن بۇرىن اقش»، ياعني «الدىمەن ءوزىمىزدى ويلايىق» دەگەن ساياسات جۇرگىزگەن د.ترامپتىڭ ورنىنا «اقش وداقتاستارىمەن عانا كۇشتى» دەگەن ۇرانمەن دجو بايدەن كىرەدى..
كسرو-عا ەڭ العاش 1979 جىلى اقش سەناتورلارىنىڭ دەلەگاتسياسىن باسقارىپ كەلگەن دجو بايدەن ورىس ساياساتكەرلەرىنىڭ مىنەز-قۇلقىن ابدەن مەڭگەرگەن..
الداۋ-ارباۋىنا كونە قويمايتىنىن سايلاۋ ناۋقانى بارىسىندا-اق بايقاتىپ ۇلگەردى..
سوندىقتان رەسەي ءۇشىن قيىن كۇندەر تۋىپ كەلە جاتىر دەپ ايتۋعا بولادى. دونباسس پەن قىرىم ءۇشىن ب.وباما اكىمدىگى سالعان سانكتسيالاردى ترامپ بارىنشا جۇمسارتىپ تاستاپ ەدى.
بايدەن قايتا قاتايتپاق..
ءوز كومانداسىن دا سوعان ساي جيناپ جاتىر.
بايدەن اقش مەملەكەتتىك حاتشىسى لاۋازىمىنا ۇسىنىپ وتىرعان ەنتوني بلينكەننىڭ ءتۇبى كيەۆتەن ەكەن..
بلينكەن 2019 ج. The Washington Post گازەتىندەگى باعانىندا «رف پرەزيدەنتى ۆ. پۋتين مەن قىتاي باسشىسى سي ءتسزينپيندى قۇرعاق سوزبەن كوندىرۋ مۇمكىن ەمەس. ولاردىڭ ءداستۇرلى يمپەرلىك پيعىلدارىن مويىنداۋ رف مەن قحر ىقپالىنداعى ەگەمەن حالىقتارعا جاساعان ساتقىندىق بولار ەدى» دەپ جازعان ەكەن..
ياعني، بايدەن كومانداسى قازاقستاننىڭ ەڭ جاقىن وداقتاسى رەسەيدىڭ دە، قازاقستاننىڭ ەڭ ۇلكەن ينۆەستورلارىنىڭ ءبىرى قىتايدىڭ دا ماڭدايىنان سيپامايتىنى بەلگىلى بولدى...
ءبىر بۇزاقىنى جەلەۋلەتىپ الدىمەن تۇركيانى فرانتسيامەن ديپلوماتيالىق جانجالعا كيلىكتىرگەن ەردوعان اكىمدىگى ەندى ليۆيا جاعالاۋىندا قارۋ-جاراقپەن ۇستالعان Rosaline كەمەسى ءۇشىن گەرمانيامەن ءدۇرداراز بولۋى مۇمكىن.
ليۆياعا زاڭسىز قارۋ-جاراق تاسىمالداۋشىلاردىڭ جولىن كەسۋ وپەراتسياسى شەڭبەرىندە جەرورتا تەڭىزىن قاتاڭ باقىلاۋدا ۇستاپ وتىرعان ەۋرووداق كۇشتەرىنىڭ قۇرامىنداعى نەمىستىڭ "گامبۋرگ" كۇزەت كەمەسى 22 قاراشا كۇنى ليۆيا جاعالاۋىندا تۇركيا تۋى استىندا ءجۇزىپ جۇرگەن ءبىر كۇدىكتى كەمەنى توقتاتىپ تىنتە باستايدى. بۇعان جەدەل تۇردە تۇركيا نارازىلىق ءبىلدىرىپ ءتىنتۋدى توقتاتادى.
ەندى 2 ەلدىڭ ديپلوماتتارى ءوزارا شاپىلداسىپ جاتىر..
"گامبۋرگ" كۇزەت كەمەسى گەرمانيا تۋى استىندا جۇرگەنمەن، ەو ميسسياسىن اتقارىپ جۇرگەنىن ەسكەرسەك، ءتۇبى ءبىر تۇركى ۇمىتتەنىپ وتىرعان ەردوعان بيلىگى بۇكىل ەۋروپانى وزىنە قارسى قويىپ الۋ قاۋپى تۇر..
سونىمەن الداعى جىلداردا الەمدىك ساياسي جانە ەكونوميكالىق كونيۋنكتۋرا قازاقستان ءۇشىن قولايلى بولماي تۇر..
وعان مۇناي باعاسىنىڭ تومەندىگى، پاندەميا مەن سوعان بايلانىستى ەكونوميكالىق ءوسىمنىڭ توقتاۋى، جەمقورلىق جانە تۇرعىنداردىڭ ءبىر بولىگىنىڭ كادىمگى ماسىلدىق كەسەلىنە شالدىعا باستاعانىن ەسكەرسەك، قازاقستانعا شۇعىل تۇردە جاڭا ەكونوميكالىق باعدارلاما جاساۋ كەرەك..
بىراق، ونى تۇسىنەتىن جان بولسا...
الدەبىر ويىنداردى تاۋىپ الىپ، سونى ەرمەك قىپ وتىر..
«اكەڭنىڭ ولگەنىن جاسىرارسىڭ-اۋ، كومگەندە قايتپەكسىڭ؟»
