«التىن ساقا» كۋبوگى تابىستالدى

536

«زەردەلى» اقىل-وي دامىتۋ ورتالىعىنىڭ ۇيىمداستىرۋىمەن VI كەزەكتى «التىن ساقا» ماتەماتيكالىق ونلاين وليمپياداسى ءوز مارەسىنە جەتتى.

«استانا دارىنى» دارىندىلىقتى دامىتۋ جانە پسيحولوگيالىق سۇيەمەلدەۋ ورتالىعىمەن بىرلەسىپ وتكىزىلگەن ءداستۇرلى وليمپياداعا باس شاھاردىڭ بارلىق مەكتەپتەرىنەن 448 وقۋشى قاتىستى.

ماراپاتتاۋ سالتاناتىنىڭ اشىلۋىنا «قازاقستاننىڭ ۇلتتىق اگروونەركاسىپتىك پالاتاسى» زاڭدى تۇلعالار مەن جەكە كاسىپكەرلەر قاۋىمداستىعىنىڭ توراعاسى، «Tugurul han – on han» كورپوراتيۆتىك قورىنىڭ باسشىسى، مەتسەنات، كاسىپكەر، قوعام قايراتكەرى، وسى رەتكى «التىن ساقا» وليمپياداسىنىڭ دەمەۋشىسى اسىلحان يگىباەۆ، «زەردەلى» اقىل-وي دامىتۋ ورتالىعىنىڭ ديرەكتورى، «التىن ساقا» وليمپياداسى جوباسىنىڭ اۆتورى ىرىسبەك ءماۋىت، «استانا دارىنى» ددجپس ورتالىعىنىڭ ديرەكتورىنىڭ ۇيىمداسترۋ پەداگوگيكالىق جۇمىس جونىندەگى ورىنباسارى بۋرالكيەۆا گۇلباقىت مۇقاشقىزى ارنايى قاتىسىپ، جەڭىمپازداردى قۇتتىقتادى.

جۇزدەن جۇيرىك شىققان جۇلدەگەرلەر ءى، ءىى، ءىىى، ءىV ورىندار بويىنشا ارنايى ديپلوممەن جانە اقشالاي سىيلىقتارمەن ماراپاتتالدى. ءاربىر ورىندار ءۇشىن ورتالىقتىڭ وقۋ كۋرستارىنان 10%-دان 50%-عا دەيىنگى جەڭىلدىكتەر سەرتيفيكاتى بەرىلدى. وسىلايشا، وليمپيادانىڭ جالپى جۇلدە قورى 1 ميلليون تەڭگەنى قۇرادى.

وليمپيادانىڭ ءداستۇرى بويىنشا ءى، ءىى، ءىىى ورىن بويىنشا مەكتەپتەر دە ماراپاتتالىپ، ءارتۇرلى كورسەتكىشتەرىمەن وزىپ شىققان №66 مەكتەپ-ليتسەيگە «التىن ساقا» كۋبوگى تابىستالدى.

ماراپاتتاۋ ءراسىمى ونلاين رەجيمدە وتكىزىلىپ، Microsoft Teams پلاتفورماسى، zerdeli.kz سايتى، youtube كانالىنان تىكەلەي ەفيردە تاراتىلدى.

پىكىرلەر
رەداكتسيا تاڭداۋى