«Altyn saqa» kýbogy tabystaldy

2978
Adyrna.kz Telegram

«Zerdeli» aqyl-oı damytý ortalyǵynyń uıymdastyrýymen VI kezekti «Altyn saqa» matematıkalyq onlaın olımpıadasy óz máresine jetti.

«Astana daryny» daryndylyqty damytý jáne psıhologııalyq súıemeldeý ortalyǵymen birlesip ótkizilgen dástúrli olımpıadaǵa bas shahardyń barlyq mektepterinen 448 oqýshy qatysty.

Marapattaý saltanatynyń ashylýyna «Qazaqstannyń Ulttyq Agroónerkásiptik Palatasy» zańdy tulǵalar men jeke kásipkerler Qaýymdastyǵynyń tóraǵasy, «Tugurul han – on han» korporatıvtik qorynyń basshysy, meenat, kásipker, qoǵam qaıratkeri, osy retki «Altyn saqa» olımpıadasynyń demeýshisi Asylhan Igibaev, «Zerdeli» aqyl-oı damytý ortalyǵynyń dırektory, «Altyn saqa» olımpıadasy jobasynyń avtory Yrysbek Máýit, «Astana daryny» DDjPS ortalyǵynyń dırektorynyń uıymdastrý pedagogıkalyq jumys jónindegi orynbasary Býralkıeva Gúlbaqyt Muqashqyzy arnaıy qatysyp, jeńimpazdardy quttyqtady.

Júzden júırik shyqqan júldegerler I, II, III, IV oryndar boıynsha arnaıy dıplommen jáne aqshalaı syılyqtarmen marapattaldy. Árbir oryndar úshin ortalyqtyń oqý kýrstarynan 10%-dan 50%-ǵa deıingi jeńildikter sertıfıkaty berildi. Osylaısha, olımpıadanyń jalpy júlde qory 1 mıllıon teńgeni qurady.

Olımpıadanyń dástúri boıynsha I, II, III oryn boıynsha mektepter de marapattalyp, ártúrli kórsetkishterimen ozyp shyqqan №66 mektep-lıeıge «Altyn saqa» kýbogy tabystaldy.

Marapattaý rásimi onlaın rejımde ótkizilip, Microsoft Teams platformasy, zerdeli.kz saıty, youtube kanalynan tikeleı efırde taratyldy.

Pikirler