"سالماقتى سۇحبات" حالىقارالىق ونلاين ستۋدياسىنىڭ قوناعى اقىن، فيلولوگيا عىلىمدارىنىڭ كانديداتى، ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ "تەلەراديو جانە قوعاممەن بايلانىس" كافەدراسىنىڭ مەڭگەرۋشىسى سەرىكزات دۇيسەنعازى بولدى.
"سالماقتى سۇحباتتىڭ" مودەراتورى، "قازاقستاننىڭ 100 جاڭا ەسىمى" جوباسىنىڭ جەڭىمپازى، "لينگۆيستيكا" ماماندىعى بويىنشا فيلوسوفيا دوكتورى (PhD) قۋانىش جۇمابەكۇلى سەرىكزات دۇيسەنعازىعا تومەندەگىدەي سۇراقتار قويدى:
1) سىزدىڭشە ۇلتشىل دەگەن كىم؟
2) قازاقستان رەسپۋبليكاسى مەملەكەتتىك حاتشىسى قىرىمبەك كوشەرباەۆ «الداعى ۋاقىتتا ساراپشىلاردىڭ پىكىرىنشە، حالقىمىزدىڭ سانى 19 ميلليونعا، ال مەملەكەت قۇراۋشى ۇلت – قازاقتاردىڭ ۇلەسى كەمىندە 78 پايىزعا جەتەدى دەپ كۇتىلۋدە»، – دەگەن بولاتىن. قاراپ وتىرساق، ەلىمىزدە حالىقتىڭ 91 جىلى 39 پايىزى قازاق بولسا، قازىر 80 پايىزعا جۋىعى قازاقتار.
بارلىق قازاق قازاقشا سويلەسە، ءتىل ماسەلەسى كۇن تارتىبىندە بولمايتىن دا ەدى عوي. ياعني، ورىس تىلىندە سويلەپ جۇرگەندەر ءوزىمىزدىڭ قازاقتار.
ءورىستىلدى قازاقتار جايلى ءسىزدىڭ پىكىرىڭىز.
3) «ءورىستىلدى قازاقتار» دەگەنىمىز – مۇلدە جاڭا قاۋىمداستىق، قازاق ۇلتىنىڭ ۇزاق جىلدار بويى بوداندىق پەن وتارلىقتا بولۋىنان پايدا بولعان جاڭا ۇلت، جاڭا حالىق دەگەن پىكىرلەردى ەستىدىم.
بۇل تۇرعىدا نە ايتاسىز؟
4) مۇحتار ماعاۋين «مەن تۋمىستاعى تىلىنەن مۇلدە ماقۇرىم، تەك ورىسشا عانا سويلەيتىن قازاقتاردى كوبىنە-كوپ سىرتتاي، ءبىر قاراعاننان تانيتىن ەدىم. ولاردىڭ قالعان قازاقتان باسقاشاراق ءبىتىمى قاپىسىز اڭدالاتىن»، – دەيدى.
سىرىكزات اعا
ءسىز ءورىستىلدى قازاقتى ءبىر قاراعاننان تاني الاسىز با؟
5) مەملەكەتتىك ءتىلدى ءبىلۋدى مىندەتتەمەي ءتىل ماسەلەسىنىڭ كۇرمەۋى شەشىلمەيتىنى انىق. ءبىز 30 جىل توستىق. الايدا ءالى دە ورىس ءتىلى مەملەكەتتىڭ بارلىق سالاسىندا فۋنكتسيونالدىق تۇرعىدا ۇستەمدىككە يە. «وتىز جىلدا تەك ەكى زاڭ عانا مەملەكەتتىك تىلدە جازىلدى»، – دەيدى مۇرات باقتيارۇلى.
بىزدەگى شەشىم شىعارۋشى ساياسي ەليتا وكىلدەرىنىڭ كوبى ءورىستىلدى.
سەرىكزات مىرزا
ءوزىڭىز بىلەسىز اتاقتى اتاتۇرىك تۇرىك جازۋىن لاتىن الىپبيىنە كوشىرۋدى نەبارى 1 جىلدا بىرجاقتى قىلدى.
ءسىزدىڭ ويىڭىزشا كونستيتۋتسيادان 7-باپتىڭ 2-تارماعىن الىپ تاستاپ،
قازاق ءتىلىن ءبىلۋدى مىندەتتەۋگە بىزدەگى بيلىكتىڭ ساياسي ەرىك-جىگەرى نەگە جەتپەي تۇر؟
6) ءتىل كوميتەتى 2021 جىلدان باستاپ ءبىلىم جانە عىلىم مينيسترلىگىنىڭ قۇرامىنا وتەتىن بولدى. الىپ-قوسارىڭىز
7) كەيىنگى كەزدە تۇران وداعىن، تۇران اسكەري وداعىن قۇرۋ تۋرالى ءجيى ايتىلىپ ءجۇر.
وسى جايلى بىرەر ءسوز
تولىق سۇحباتتى تومەندەگى سىلتەمەدەن كورە الاسىزدار.
